تذكـــار عيشي على التذكار
وان كان يحصل لك تناسيهـا
لاتحسبي سرك من الاسرار
الي على الجنسين تخفيها !!
منك الخطايا انتهت الاعذار
وعيونك النكران معميها !!
قلبك من احداث الفشل محتار
تستخسري خطوه مشيتيها
مايهتني منهو غريب الدار
مثلك غريبه وسط اهاليها
وانا الي فيني من الجروح كثار
لا انتي ولا غيرك يداويها
الله حسيبك كيف قلبك صار
باع المحبه واشترى فيها
صرنا على هذا السوايا كبار
قبلك عذارىما مشوا فيها
هل هي عطش هل تسالي صغار
هذي السوايا من يسويها !!!