ــــــــــــ
قصيدة ظروف الزمان
للشاعر / عبدالواحد بن سعود الزهراني
------------------------------------------------------------
البدع
يا ظـروف الزمـان الله يجزاك عني كل خيـــــــــــــر
اللي لولا خفايا غيهب الوقت واسرايــــــــــــــر زمانـي
ما فهمت الحياة ولا عرفت العدو من الصديـــــــــــق
لو صرفت الذهب واللولو والماس وأنفقت المبالـــــــغ
ما قدرت اكتشف معشار ماسوف تكشفه الظــروف
ساعة البسط كنت اعد الأصحاب واغلط في عددهم
وارجع اعد واغلط وارجع اعد واغلط من جديـــــد
بعضهم قلت وده هذا الإنسـان يفديني بروحه
ان شاء الله ما تجيني زحمة إلا وهو مني قريـــــــــب
والله إني شكرت الوقت لما كشف لي عــن قنـاعــة
حصلته ما معه وجهين لكن معه عشرة وجـــــــــــوه
الصـداقة مع ذا الجيل مثل الســــــــراب اللي بقيعـه
ينكسر فيه ضوء الشمس ويظنه الظميـــان مــــــــــاء
راعي العقل في هــــذا الزمـن لا يثـق في كم ثوبــه
وش يدريه يمكن قطعة الثـوب في يوم تخـــــــــــون
قولــــة مـا يجيكم بـــاس والحمـد لله على السلامــة
ذيك الأيام عندي خير من بندقه بحزامها
الرد
ابو متعب يقول ما يحسد الاول الا كل اخير
لو ترى يرزف اضلاعه من الغيظ وسرى يرزماني
سقط الهرم الزايف وبان الكذاب من الصديق
يارجاجيل ماني مسرف في الخيال ولا مبالغ
لكن يثيرني طمس العناوين من فوق الظروف
يازمان العجب ما عاد اشق الصفوف ولا عد أدهم
بعد ما كنت ذاك الفارس اللي يعين وينجد ايد
وشبها ظاقت الدنيا علينا وهي كانت بروحه
واضمحل اليقين وصار ما في صدور الخلق ريب
كنت في مقدم العمر انثر الشعر في بقعه بقيعه
مدري من وين لك ذاك الكلام المنظم يانما
الدنيا تظلم العالم ولا تظلم ال عن قناعة
انساقوا مطرق العاج السكاكين والعشر اتوجوه
ليت لو طالة الايام حصلت لي فيكم مثوبة
ما لعذرك عذر ياكل من ينتخيه المنتخون
ما نجي من كفوف اصحابنا لا ظمان ولا سلامة
كنهم مزرعة تعبث رياح الدهر بحزامها
ــــــــــــــــــ
قصيدة (صـــدام)
للشاعر عبدالواحد بن سعود الزهراني
------------------------------------------------------------
البدع
آنحن زهران سمانا الله اسم زايد عن النـــاس
ما سمونا عصبة التنجيم لكن فعلنا سمانـــــا
واسمنا ما يختلف معناه عن لفظه ومنطقــــه
فرقتنا وانفرقنا طيحت السد الذ في مارب
من بلاد الرافدين إلى عمان إلى اجبـــال دوس
وبعث فينا رسول الله وكنا عصبته وانصــــاره
وانحن جند الله من ذاك النهار إلى نهار الديــن
غرس الله في تراب قلوبنا حب الشرف والغيــرة
واللي يجحد ينشد التاريخ عن قتلت عساكر قوب
يوم دسناهم دياس السانيه للزرع في عزامـــه
وطحناهم كما طحن الرحا في صافي الحبـــان
بالخناجر والجنابا والسيوف الصرم القطاعــــه
وحدايل بندق يعمي عيون الجن دخانها
الـــــــرد
يامطار البصره ما عاد فيك لاحس ولا ونــاس
يوم عقب طايرات الميج برضك طايرة سمانـــا
أقبلت من كل صوب وهاجرت من كل منطقـــة
والسبب صدام لما كان له قصد بعيد ومــــارب
وجنود العاصفه داسوا على جنده جبــال دوس
طمعه في الحرب حزب البعث وشيوعيته وانصاره
والذي يبغى يرد الدين يا مصعب نهار الديـــن
وجعلنا المعركة والحرب الاكبر درس له ولغيــره
يا عساك ندمت يا شعب العراق وياعساك رقـوب
إحتياط النفط من دونه رجال اقلوبهم عزامــــه
ونحن من بترولنا نرمي العدا ونعيش الحبــان
عصوا الظالم جنود كان يامرهم ويلقا الطاعـــه
غره الشيطان وأعماه الطمع والجند خانها
ـــــــــــــــ
قصيدة العجوز ( امريكاء )
للشاعر /عبدالواحد بن سعود الزهراني
------------------------------------------------------------
ياعجـوز لهـا عن غيرهـا ميزة الوجه البشـع
والمسـاحيـق والمكيـاج ما زودتهـا الا بشاعــة
ربما تدعي للخير لكـن وجهك وجـه شـــوم
يا عجـوز هدفهـا طمس الاخلاق واعدام المبــادي
مثـل ما همها تبدل للازواج كـل اربع سنيــن
ندري ما دامها في الغرب فالشمس تشرق من جهتها
والسـؤال الذي تلقيـه مالـه جواب الا نعـــم
يـا عجـوز تغـذي طفلهــا بالحنــان وبالدلايـل
تبغينـا كلنـا خـدام لاهدافهــا ولطفلهــــا
لكــن لا والـف لا والفيـن لا بل عشـرة آلاف لا
كم دعينا من اعماق المحاريب واكتاف المنابــر
ولثمنـا الثـرى حتـى تحجـر من آثـار السجـود
مثل ما ناحة البومة على مملكة كسرى وقيصــر
مثل ما ضبـح الواوي علـى مملكـة عـاد وثمـود
يقـدر الله يجعلهـا حطـام واثـار بعد عيـــن
اكبـر الغلب لـو تبقـى اللعينة تجـرب سيطرتهــا
والشرف ينتحر والحال يبقى على ما هو عليــه
ساعتها يصبح الدم الذي في العروق ارخص من الما
ساعتها يضحك الشيطان من مسمعه الا مسمعـه
الـــــــــرد
يا عباد الله اصح القطر والبرق دوبه دوب شع
كنه العلة اللي ما يراها الطبيب الا باشاعـــــة
بشر ما سال وادي السيل ما جا لوادي وجهشوم
اذكر التزكية والناس يبدون من فوق المبــــادي
بالله لا تخطف الابصار يا بارق يربع سنيــن
بارق الصيف موت ابلادنا في يديك ومن جهتهـــا
عندنا شوفتك لما تجي خير من حمر النعـــم
بارق الصيف ما يحتاج لك لا شهود ولا دلايــــل
ارحم المنطقة لا هنت وارفق بها والطف لهــا
وارسم الحد حد العشب بين المدينة والفــــــلا
دايم في سلام وروسنا عاليه وايامنا بــــر
والله انا نجٌد لو ما تبقا لباقي الناس جـــــود
ندخل اليد في جيب الستر لا شمر ثوبه وقيصر
وشربنا القراح ولا شربنا من العد الثمــــــود
نجبر الارض تتفجر ينابع عين بعـد عيـــن
سالية صمت خطتها كفوف الزمان وسيطرتهــــا
كم شجيع يوجه بااسهم الموت وتعود عليــه
يا وجودي على المطعون ما ذب يصيح الا من المـا
ليش ما نسعفه ونضمد الجرح ونلامس معه
ــــــــــــــ
قصيدة يا يهودي
للشاعر عبدالواحد بن سعود الزهراني
يا شباب اليهودي ضمنا بين كفه والحياة
ضمنا ضمة الصياد ذا ضم طيرا وسط غابه
ثم تله على السكين واخلى عروعه من دمه
نسته وقت السبعه وستين يوم ابني قريضه
ونسىموقعت خيبر وحطين وابني قينقاع
كل ما قلت ميده يايهودي صلاح الدين منا
قال التفتخر وان كان منكم صلاح الدين مات
نزعونا من الاسلام نزع احجار من الطحينا
ورمونا بسهم اللعب والذوق والفن الحديث
هم عليهم حياة العلم والنحن علينا عيشت الفني
مكبر الفرق بين اهل الملاهي ورواد الفضاء
ــــــــــــــــ
قصيدة ( ابو عمار ياسر عرفات )
للشاعر عبدالواحد بن سعود الزهراني
------------------------------------------------------------
البدع
يا بـو عمـار شفنا صدق حلمك وكـذب احلامنــــا
صـار حلمك ولاصدق من آمالنـا واحلامنـا شــي
أثرنـا ما قضينا الوقت وايامه الا في ضغــــوث
أنتظرنـا يجـي عمـار لكن فوجئنــا بزهـــوه
وانتظرنـا تعود القدس لكـن عـادت لليهــــود
وانت تحلـم بسلطـان علـى مملكة غـزة وريحــا
ها قد أصبحت سلطان السلاطين بل ملك الملـــوك
صـار لك مملكة وعبيد وجنـود مـا يقلــون لك لا
ووزرا يعلنـون النصـر باسمك ونــــواب وزرا
واثرك انت العصاه اللي بها يشـر الظالـم ويومــي
واثرك أنت العصاه اللي متى ما بغا يضرب بهـــا
مادام انـك موريهـا عـذاب الهـوان وقامعنهـــا
ردها للهود آظن حكم اللهود أرحم لها
الـــــــــرد ( للشاعر محمد بن حوقان )
كم لي أسعى عن أقسى خوف في هجرتي واحلامنـا
كنـي البـارق اللي يسقي أغلا هدف وأحلا مناشـي
لو تفايض على أهل الأرض ما عاد بعد الفيض غوث
كملي أخفض جناح الشعر والشعر يحكمنـي بزهـوه
مـا يخاطبنـي الا بالحكــم والمثايـل واللي هود
أمطـرت غيمت النسيـان فـي ساحتي برق وريحـا
وانتقيــت العبـارة من لسـان يلوك العلـم لـوك
عشت في صومعت صمتي وتلانيتي لا أحرث ولكــلا
مـره أضحك وتلقـانـي على جـال نــواب وزرا
فـارد الحلـم ويعـد ليلتي تقتسـم من قـوت يومي
واللجم النفـس لا تحظـا وتلقابهـا يضـرب بهـا
بعض الاحـلام لو يـدري بهـا كل نايـم قام عنهـا
خلها تجهض الايام ولا يهودر حملها
ــــــــــــــــــ
قصيدة العرب
للشاعر عبدالواحد بن سعود الزهراني
------------------------------------------------------------
البدع
سبحـان الله قلت نيتـي للسوالف والعـــرب
اللـي آدوره بينـي وبينـه مسـافــات طويلـه
يا الله يارب جنبنا شـرور الليالـي واكفنـــا
اصبحـوا يرزفـون الناس مالي مع الوشعا رزايف
بعد ما كنته صاطي للمحافل وصاطي رزمَــان
اقلـوا اهلـي سلـي عنـا وحنـا عنـه ما قد سلينا
عاد ما يلتفت فينا ولو كان عين نصب عيـــن
والحقيقه ان صعب الحال يعجز عنه وصفي وعبري
والا ما كان قدرت المخالف وميدنت اللبيـــب
صرت منبوذ بيـن الناس يـوم اللتقـا بـد معى بد
وورى العافيه بان المرض في عظامي والخليـج
مـا بعـد ريت لي من جملت الناس عبد ناصـري
الـــــــــرد
يـا عرب هونوا من قول تحيا العروبه يا عـرب
العروبـه طواهـا كف الاحداث فـي ما ينطويلــه
وقتلهـا الزمـان ولفهـا في حنوطـن وكفانـا
العروبـه غـدت سلعه بليا ثمن واشعـار زايــف
واصبحت كذبت التاريخ من ظمن اساطير الزمان
مـر خمسيـن عـام آراقب امتي تعود القدس لينـا
خدعوني وصدقت ان تحريـرهـا بن اصبعيـن
يـا عـرب باقي التاريخ يكتب بلاتيني وعبـــري
ثـم يكتب علـى ربطات الاعناق ميد ان تلابيـب
قبلوا حايـط المبكى ودقـوا نواقيس المعابــــد
واهتفوا للسلام العادل من المحيط الى الخليـج
لاتقـولـون بعـد اليــوم لبيك عبدالناصـــري
ـــــــــــــــ
قصيدة الكبرياء
للشاعر عبدالواحد بن سعود الزهراني
------------------------------------------------------------
يارفيقي تواضع يارفيقي على أيش الكبريـــاء
ادري انك جعلـت الليل يسـود فـي وقت البـداري
وادري انك جعلت الشمس ترتد من دون الشفـق
وادري انك جعلت البحـر مالح ومـاي النيل حالـي
واجتهادك وعزمك يفلق الحق ويشق النـــوى
وادري انك بنيت القـاهـره واقتحمت اسوار يافـا
وادري إنك بنيت السند والهند وابلاد انقـــره
وانك اللـي تعـدا خـط برليـن ذا في دار سينــا
وانك اللي جلبت النصر في حرب تحرير الكويـت
غيـر وانـا رفيقك صبغة الكبريـا صبغة بغيضـة
راعي الكبر يا ما سـار فوق الصعيد أبغض منه
أخبـر النمـل كلمهـا سليمـان واتنـازل لهـــا
ــــــــــــ
قصيدة ( موعظة ونصيحة )
للشاعر بن عبدالواحد بن سعود الزهراني
------------------------------------------------------------
البدع
فارس وانا ابوك اذا عمرت وامتدت بك الايــــام
فانا باسوي قصيدة وانت خذها موعظه ونصيحـــه
احفظها واعمل بها وافهم معانيها وعش بهــــا
اول ما وصيك به سنة محمد والعمل والتقــــوى
لا تسير الا على الدين الحنيف ومنهج النبــــي
واحتسب واصبر اذا مالت عليه الهجرة الماليــــه
اتعض من مدرسة جدك سعيد ومن حياة ابـــوك
وان قالوا وش ثروتك ما المال قل يكفيني اني حجري
واني من دعوى العضيلات الكرام ومن بني عمــر
والتهمني واحفظ اسمي وانطقه من حين اللينا حينــا
وادع لي بالعفو لامنك نشدة الناس قالوا مـــات
والقدر سلم عظامي في ايد ناس يدفنونهـــــــا
مكثور خير محمد ابن سعيد عزم وجوه الخير
في حفل فارس وكمل الواجب ولا قيصرا0
الــــــــــرد
يا سلامي يا الرجال اللي نخاطبهم بكاليــــــام
ياسلامي عد ما تبدي نجوم لامعه ونصيحــــــه
وعدد ما تظهر ارض الله بزينتها وعشبهـــــا
ما يشيل في المدوح الا رجاجيل عليها تقـــــوى
لا تجي للمدح يا الرجل البخيل ومنه جنبــــــي
وانا مالي في تبوك اسم ولا جاه ولا ماليــــــه
لو تظلي مثل جنة عدن وش لي من حيا تبـــوك
الافي حشمة رجال كنهم نون العيون وحجــــري
ليلة ما بينهم زادت في ايامي بني عمـــــــر
لايقولون الشعاعير ان جانا شاعر يلاحينــــــا
يشهد الحبر الفصيح وتشهد اوراق وقالوا مـــات
اني انا حاكم العرضه وانا سيد فنونهــــــــا
فرقت ما بين الشقي والسعيد لو يجتمع روما معا
جيش فارس ما همني كسرى ولا قيصرا
ـــــــــــــ
قصيدة خط الجنوب
للشاعر /عبدالواحد بن سعود الزهراني
------------------------------------------------------------
البدع
قــال ابـو متعب الله لا يسامحـك يـا خـط الجنــوب
كلهـا جـرعـه او ثنتيـن حتيــن يروون العطـاشــي
وانـت عطشـان ما تـروى على ما شربـت مـن الدمـا
يقـولـون ان نهـر النيـل فـي كـل عـام لـه ضحيـه
واضحـايـاك يـا نهـر الشقـا والعنـا عـدات الــوف
وامقـاتيلك اكثر من ضحـايـا الحـروب ومـا الكـوارث
اســرة تخطفهــا واســرة شملهــا يتبعثــــري
كـم غلام يقـول احرمتنـي مـن منـاي ومـن شبابــي
ويتيــم يقــل لك يـا طـريـق الجنـوب ايتمتنـــي
الدمـوع التـي فـي العيـن فجـرت منهـا مـا تحجــر
واسفكـت الـدمـا واحـرمـت الاكبــاد فـيلذاتـــها
الرد
أبغــــــــا سقف يفيَيني وثوب يغطي عا لجنـــوب
وابغـــى الله يعطيني ولا ابغى من اصحاب العطى شـي
وانــــا مانـــــي على ما فـات متحسف ومندمــا
والله مــــا غسل الماضي بماي العيون المنضحيـــه
كــــل شوف يعيش الحزن يعمى ويتـــعدا تلــوف
وان توفـــوا ملوك الارض مانــي لذاك الملـك وارث
عشــت عيشت كفاف وكنني ظامي يتبع ثـــــــرى
ما ابغـــى ادق باب اللاش والا يدق اللاش بابــــي
خـــل دنياك ياقلبي على ما تريد وتمتنـــــــــي
عالم ما تقيده القيود الوثاق ومـا تحجــــــر
وانـا ماعــــــــد بـي الاتغـرق الروح في لذاتهــا
.......................
يتبع