ياشيخ ياللي شيختك ثابته ساس
عندك ختم مجدك كسبته بالافعال
اجيك واقفّي وانا رافع الراس
قدرك معي ياشيخ ثابت ولا زال
وادري تقدرني وشرواك نوماس
لك سيرةٍ ياشيخ تضرب بالامثال
لكن طبعي غير عن باقي الناس
طبعٍ منزهني عن القيل والقال
شاعر ولي مبدا وناقد وحساس
والنفس نفس اللي مواكيره اطوال
احوم في قلب الفضاء حوم قرناس
واترك بساط الارض لخفاف واثقال
مالي مع نشاقة الفوح مجلاس
اللي ماتنفع في مخارج ومدخال
علم الحيا يذكر مع كل عساس
شطرٍ ماهو لي للقواصيد موال
واللي ماهندس سيرة اسمه تهنداس
ماطاب له في حالة المجتمع فال
مارحت الحّوُس لتشحّذ تلحواس
ماخذت من حاكم ولاتاجر ريال
رجلٍ بلا قيمة يحقّر وينداس
ان كان ماتدري خذ العلم بالحال
ماجيت ادور مثل عابس وعباس
قومٍ توطي روسها حفنة المال
من هان نفسه عيشته عيشة افلاس
رزقٍ على الشرهات ماخلد ارجال
جاك الكلام اللي يدرس تدراس
تلقاه في صفحات ديوان الأبطال