يابوحمد بالبوسنه من قدك
والجو عندك وان وصفته روعه
نبيك ترجع وانكشف لي ردك
مثلك ماوده للخليج رجوعه
تسكن سراييفو وهذا ودك
مدينةٍ بين المدن دلوعه
والا البريزا بالجمال تشدك
وليّاش كنّها بالذهب مصنوعه
يابوحمد كل السلوم تمدك
خوتك تشرى بالوفاء مطبوعه
معك القواسم ضد منهو ضدك
حكام وشيوخ العرب مشروعه
الكل منهم والصحيح يودك
حكام كلٍ سمعته مرفوعه
الطيب معهم بالصداقه حدك
علاقتك معهم ماهي مقطوعه
سلم عليهم وانت دوم اعدك
عبدالله اللي كلمته مسموعه