*
*
قصيدة ألقيتها في ملتقى توعوي لـ أخطار التفحيط ..!!
بالقرب من ( كوبري تناقيب ) .. وساحة من أشهر ساحات التفحيط .. بالشرقية ..!!
و عسى الله يرزقنا الإخلاص و ينفع بها ..!!
خوذوا / رسالة واحدٍ كان يآتي ..
.. لآ قالوا / التفحيط .. ( كوبري تناقيب ) ...!!
ذكرى من أيامٍ لنا ماضياتي ..
.. ولآ جيتها / هاوي .. ولآ أدوّر العيب ....!!
أشوف خلق الله جماع و شتاتي ..
.. وأقنب و لآ يقنب على مسمعي ذيب ......!!
ضياع عمر و مال .. و الموجعاتي
.. فقدة خويّ .. و موت بعض الأجانيب ....!!
و مواترٍ تهدر .. و ناسٍ تباتي ..!!
.. على الذنوب و جلسة الشك و الريب ..!!
ياذيب ماترقى معي / الطايلاتي ؟!
.. أبي أفضفض لك من الجيب لـ الجيب .!!
مات الفتى و أمه حزينه تحاتي ..
.. و أبوه شاب و زوّد الشيب بالشيب ...!!
مات الفتى و اللي معه بالمماتي ..
.. نساه و أستبدل بدله / الأصاحيب .....!!
ليت الذي شافوا معي / الحادثاتي ..
.. تابوا / و جاهم منه حذرٍ و ترهيب ...!!
يا ( عاشق التفحيط ) / مابه غناتي
.. إغنم سنينك و إنتبه و أخبرك ذيب ..!!
لو منت غالي و أفتديك بحياتي ..
.. ماقلت لك أبياتي بكل / تهذيب .......!!
و إن قلت لي : و هموم قلبي و ذاتي ؟!
.. أقول أعرضها على الله .. و تطيب ..!!
*
*