يعطيكـ العافيه يآرب
وعندي تعليق على اللي معارضين الفكرهـ
أنا مني عارفه ليه الاعتراض أصلاً
كل الجامعات مطبقين نظام البطاقات اللي بصور
وش فرقنا عنهم ؟
وبعدين هم لما طلبوا من الطالبات صور
ماقالوا لهم والله هاتوا صوركم بنحتفظ فيها ( زي أغلب الجامعات والدوائر الحكومية اللي يحتفظون بالصور ويطبعون الصورة طباعه على البطاقة بالليزر )
الطالبة بتسلم لهم الصوره وبتستلمها بنفس اللحظه
والدور على الطالبة تحافظ على بطاقتها ولا لا
وبعدين اذا على الحلال والحرام والاثم
وين الاثم بالموضوع
ولا تصوير جواز السفر وبطاقة الاحوال حلال وهذي حرام
نفس الحاله ماتفرق
وبعدين هذي ضرورة من الضروريات
يعني حالها حال جواز السفر هو اثبات للطالبة
وتحافظ عليه زي ماتحافظ على جواز سفرها
وبعدين تسولف لي طالبة وتحلف بالله انها تعرف وحده دخلت اختبار عن وحده وهي اصلا مهي طالبة بالكلية
بس لأنها ممتازة بالمادة فاختبرت الاختبار عنها
كيف بيضبطون عملية الغش اذا اصلا ماكان مطابقة للصور ؟
أنا اعتبرها خطوة حلوه من الكلية وبتحل أموور كثير
.
.
