\
/
صاحبك كل عرق فيه مل الكلام ..
ما بقى غير وجه الصمت يستعذبه ..
طول عمره يقول وما لقى الا الملام ..
كل وجه كذوب يصد ويكذبه ...
كان يحلم تكون الارض برد وسلام ..
وان روح المبادي نص ما يكتبه ..
شال طيب المشاعر في عروقه وقام ..
يزرع احلى الاماني والوفا يكسبه ..
كان يرسم على الكراس شكل الغمام ..
لاهما والسنابل حلمها تشربه ..
كان يحلم ويحلم في سدول الظلام ..
تبتدي شمس باكر ممطره معشبه ..
طيبة الريف كانت في حياته وسام ..
ما يساوم عليها لو خسر مطلبه ...
وش تسمي شروده خلف سرب الحمام ..
غير وجه بشوفة مات ويعذبه ..
صاحبك لجل هذا مل وجه الكلام ..
ما بقى غير وجه الصمت يستعذبه ...
\
/