من لايجيك اليا دعيته إلفنجال
مدخال بيته لاتمره مسيّر
والطيب ماهو ورث للعم والخال
الطيب ماهو دوم فيهم مجيّر
واليّا تغيّر بالمواجيب رجال
خله يروح ومثل ماهو تغيّر
من طاب نصف ريال ياخذ له ريال
لاتنشد المقفي على ماتخيّر
لاعاد تستغرب على كل الاحوال
لاتقول صار الوضع وضعٍ محيّر
المقبل اعظم وانس تاريخ وافعال
صار الطويل يقاس نفس القصيّر
راحت سوالف قوم تضرب بالأمثال
في وقت صفّق وابستسم للمطيّر
شيٍ يقال وشي خافي ماينقال
غاب الحيا واللي يعيّر يعيّر
الامس غير اليوم ياطيّب الفال
والفال يالطيب عن اسمك مذيّر