ياحسين راقب طلعة النور وتبين
والصبح خذلك بالفجوج انطلاقه
وانت بدوي والبدو ياحسين نوعين
بدوٍ صحيح وبدو قاقه وقاقه
يامطيبك يا الفين واحد و20
عامٍ عن الاعوام بان افتراقه
تبدوو اللي بالبداوه غشيمين
مافيه معهم للمبادي علاقه
الجار ماعاده على الراس والعين
قدره يعلق في تصرف حماقه
دبرة عزاز القوم عند الوراعين
واشواهم إلياطاب فيه اصطفاقه
غاب الحيا بوجيه بعض المسمين
وجهٍ عبوس وجه كله محاقه
ماعاد لامجاد البداوه عناوين
ماعاد لورود المواجيب باقه
ماعاد به حشمه ولابه حشيمين
باب الحشيمه محكمٍ بــ أنغلاقه
هذا على هذا من يسار ويمين
كلٍ على الثاني يسرّح نياقه
قوم وكلاء وضويق العرف ياحسين
حتى بنصف الليل يسري سراقه
ياحسين لاتغتر والعلم علمين
لاتندفع للي يكثّر طلاقه
فيه البلاسه حطها بين قوسين
كم شبك محميه هدِم في نطاقه
ياحسين خل اللي على الزين والشين
ابعد وعز النفس مع كل طاقه