بسمـ الله الرحمن الرحيمـ .. .. السلامـ عليكمـ وَ رحمة الله وَ بركاته .. بدايةً أخواني / أخواتي .. ( أنا ما فتحت أيقونه موضوع جديد و كتبت هالكلامـ حق التشهير او قطع رزق المسلمين أبداً أبداً لإني إنسانه اعرف " إن قطع الاعناق و لا قطع الارزاق " باختصار الحمد لله انا انسانه اخاف ربي يا رب لكـ الحمد و أكيد هذا المتوقع مننا كمسلمين الشغله الثانيه / لاحد يجي يقولي طيب وش فايده انك تكتبين كلام في .. منتدى .. في النت << مشوار صح ،روحي للجهات المختصه و فكينا بقوله "إنه لو كان احد هالفتره فيه من اخواني ما راح اكتفي بالكلام كان سوينا الواجب و رحنا لاهل الاختصاص و خليت اللي يتهاون بارواح الناس خصوصا الاطفال واهم حاجه عنده المردود المادي يلقى جزاه) . . طولت المقدمه بس انا عارفه انه في بعض البشر تحب تشكك و تاخذ و تعطي بالذمم اختصرت لهم الاسباب حق ما يقعدون يتعبون ارواحهم .. هذا أطال الله عمري و اعماركم و اعمار المسلمين على طاعته حصل انه اليوم الاهل راحوا لأحد الاسواق عشان نشري مقاضي رمضان بالمره طلبوا الصغار من المطعم و من ضمن الطلبات حقتهم كانوا طالبين احد الوجبات المعروفة المهم فتحناها ما ادري ايش اللي خلى امهم تفتحها كلها و تقلب فيها كأنها حاسه >> قلب الام الإ الساندويش يا ساتر الخبز بقع شي مقرف ايوا بقع عفن خضرا توريني اياها قلت: هاذا عفن ما تشوفين واضح جات بتقلبها كلها قالت: ممكن بس هالجزء الا الخبزه مرنقشه كُلها عفن ايه قامت و راحت للكاشير تبع المطعم رحت معها قامت توريه العفن الجميل الاخ "انا ما ابغى اغتابه كافيني ذنوبي" بس هو من أحد الجنسيات العربية اخذ الموضوع بسهاله و يطالع فيني كأنه احنا مهابيل يعني عاادي عفن و بعدين اش تبغون؟؟ انا قمت اتكلم عن نظافه المطاعم ما يجوز انه تستغفلون هالمسلمين المصيبه مو أنه يأكلها انسان كبير المصيبه الاطفال الواحد يعرف الصغار يأكلون الحاجه على طول ما يقلبونها يعني حرام يصير فيهم شي و بالاخص انه هالايام عطله و هالبشريه شكثرها بالسوق هم و صغاريتهم حرام عاد الاخ الكاشير طلب الخبز من العامل الفلبيني هههه جاب العامل الفلبيني كيس الخبز هينا غصب عني ضحكت بنفسي الكيس كل خبزه معفن قال هاه شوفي هو مثلج باختصار احس الموضوع عنده تافه وانه احنا بشر مزعجه لا و اللي بيخليكم تضحكون قلت له : اللحين انا بآخذ وحده ثانيه و إن شاء الله انها نظيفه بس كيس الخبزاللي حطيته هناك المعفن>> قصدي الجميل وووين بيروح إيش مصيره؟؟ ، قال : ما لك دخل انتي بنبدل لك و قام يخبص بالكلام قلت : لاا حنا مسلمين و المسلم اخو المسلم . ما يصير أرضى هالامم الي هنا تجي تأكل و ما تدري وش جوا الاكل! حرام >> جد انا مو مفتيه الديار الاسلاميه بس ما ارضى للمسلمين اللي ما ارضاه لنفسي كذا تربينا ما نسكت على الغلط ؟؟ وووبس خذا دليل الجريمه الساندويش هنا انا من جد مقهوره لو اني تركتها معي لو اوصي احد ياخذها للبلديه عشان يعرفون قيمه النظافه و ارواح الخلق ايييه خلوني اقولكم ههه عن المفارقه العجيبه الخنفشاره انه وأنا اتكلم مع الكاشير كأني ما اتكلم معه و تجي أنسانه و تقعد تطلب يعني كأنها ما يخصهم هالعالم حتى امي >> الله يشفيها و يرحمها دنيا و آخرهـ وَ كل امهات المسلمين ( قولوا آآآمين ) تقول: هم كذا ربعنا السعوديين يظنون دائما انه اي سوء ما بيصير لهم و انه العفن و التسمم وكل بلا بيصير لعيال الناس وهم لا معصومين .. مايستفاد من هالكلام الكثير 1) لا تاكلون على عماكم افتحوا شوفوا أيش تاكلون و ايش ياكلون عيالكم ؟؟ فلوا الاكل تفليه ايواا عشان تتأكدون >> نقطه وحده كفايه هو مو اختبار قدرات و أسأل الله ان يبلغنا رمضان و نحن بصحه و عافيه وَ .. أن يعيننا ان نشكره كما يستحق سبحانه .. . . [سبحانكـ اللهم وَ بحمدكـ ، أشهد أن لا إله إلا أنت ، أستغفِركـ وَ أتوب إليكـ ]