[عيسى بن راكب]

[align=center]


يا رجم ما جيتك مثل باقـي النـاس
جيتك وأنا فينـي جـروحً عميقـه
جيتك وأنا ضايق وبالقلب هوجـاس
أجيك من ضيقـه وأعـوّد بضيقـه
كله سبايب صاحبي عذب الأنفـاس
راح وتـرك بيـن الحنايـا حريقـه
من دوننا عاذل وحاسـد وحـراس
من غير واشيـن العلـوم الدقيقـه
واللي سعوا بفراقنا نـاسً أنجـاس
قد فرقوا بيـن الشقيـق وشقيقـه
أن جيت أبسلى عنه شفته مع الناس
من بين كل الناس واضـح بريقـه
اشبهه بالماس ويكبر عـن المـاس
يرجح على كـل الجواهـر فريقـه
وزودن على كل الحلا روعة أحساس
لا من هرج هرجـه يحليـه ريقـه
ما يوم شال بدنيتـه هـم وأتعـاس
وأنا مـع همومـي علاقـه وثيقـه
يا رب ترحمنا قبـل دق الأجـراس
وتفرج لنا يا رب عن كـل ضيقـه
[/align]



.