ههههههه حسبي الله عليك يابو فريج .... ياولد منين تذكرت هالسالفه والله إننا ناسينه ....!!! أمـا الدوخي فـ مشكلته إنه عربجي ومابعينه أحد والمشكله إني ما أقدر أشوفه يتمشكل مع العالم وأقعد ساكت ....!! اقتباس بس كأني تذكرت انهم بغوا يتهاوشون مع لاعب جسمه قوي وقلبت المباراه بآخر الوقت ضحك .. عز الله إنك صادق بس ترى السالفه وما فيها أن اللاعب (( أبو شوشه )) يوم كسره الدوخي قعد ينافخ وسوّا لنـا قلق ... بعدها بـ شوّي جاني الدوخي وقال لي : ياولد ودّي نجلده ... قلت له : يالدوخي مالقيت إلا هذا ... دوّر واحد غيره (( لاتلومونن الرجـال متعافي والله يحطنا أنا والدوخي فوق بعض )) لكن تدري وشلون يالدوخي ... سوّ اللي براسك وأنـا معك << عرابجه من قلب !!! قام الدوخي إذا إستلم الكوره يلف ويدور علشان يلقى خوّينا ويشوته ... وأنـا من وراه أنواع التشجيع : حلوه يالدوخي ... هاذي عن قووول ... وأطمر على الدوخي وأحضنه << كأننا جايبين قووول ... يعني الرجـّال عرَف إننا قاصدينه ... بعدها بشوّي جـانا البلنتي التاريخي قام الدوخي يبي يشوت وقال لي : إذا جبتها نبي نركض و نسوّي زحمه علشان نرفع ضغطه ... قلت : ok يالذيب ... ولا يهمك !!! سجل الدوخي وأنطلق مثل المجنون يعبر عن فرحته << أي فرحه وأنتم خسرانين 4 ـ 1 قمت أركض وراه وكأنه جايب لنـا كأس العالم والجمهور مستغربين وأبو فهاد يقول : وش بلاهم الخبووول هذولا فشلونـا !!! لكن بصراحه أثبت الدوخي إنه صاحب رأي سديد << سدّ الله حلقك .. أي سديد وأنتم متصقعين بـ 4 ... لالا والله من جد إننا طلعنا من الملعب فرحـانين وهو وأخوياه طلعوا كأنهم خسرانين ...!! طبعا" المباراه مـا خلت من بعض الضحكات على هذاك اللاعب وهو يسمع بعد ...!! وما أذكر وش صار بعد لأن المباراه صار له 3 سنوات تقريبا" بس اللي أذكره أنه كانت آخر مباراه لي قبل لا يصدر قرار شطب إسمي من سجلات فريق أبو فهاد بعد هالمباراه المشؤومه أمـا الدووخي اللي ضحيت عشـانه جحدني وكمل مسيرته الحافله بالإخفاقات والمشاكل مع الفريق ... وإسـتـروا مـا واجـهـتـوا يالربع !!!