[poem=font="sakkal majalla,7,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
والله بعضهم معرف لوقتنا الآن=إني اعرفه حتى اشوفه قبالي
الناس خير وخيرهم وجه الإيمان=وماخبر احد له شي عندي ولالي
كل وفاله حكمتي تدل عميان=ماهمني خبرك على زين فالي
لما بدا يحكي عن الصوم شعبان=وصفر يحرم صيد نظرة غزالي
قلت أبعد اسكت وانتظر قدر الإمكان=الرب فوق وكلنا للزوالي
أبي اجلس لحالي بدون اي إنسان=جنيتي تعشق جلوسي لحالي
أنا اتنفس وحدتي بعض الأحيان=القى بها الحلم الصغير المثالي
قال:انت هاجر مجتمعنا وزعلان=أظن بك جنية ما تبالي
أظن قلت ولا بقى ظن ما خان=الشكر لله في يقين بقى لي
ودامك تظن ف ظن هالمجتمع كان=ماعاد تلقى له بها الوقت تالي
لا طهر يد ولا دفا قلب ولسان=ومن الضمير وكلمة الصدق خالي
سولف ولا تذكر لي فلان وفلان=ولا انسى وابي انسى الذي قد مضى لي
مروا بذهني أمكنه مروا زمان=طلسهم اغرب من غرابة خيالي
والغالي اللي داخل القلب ماهان=لو ما التقينا داخل القلب غالي
[/poem]
المواضيع المتشابهه
العرض المتطور
