مبروك الزيادهـ

[سمح المحيا]

بسم الله الرحمن الرحيم

اما بعد :

تم اليوم بتاريخ 3 \ 9 \ 1429

زيادهـ سعر رخص القيادهـ من 75 ريال الى 400 ريال

وسوف تكون مدهـ الرخصه الجديدهـ 10 سنوات

[عافت زويد الشمري]

الله يبارك فيك أخو السعيدي ...

لكن السؤال ... عند تحديد الزيادة 5% كان هناك تخفيض للخدمات العامة إلى النصف .

وبعدين كانت خمس سنوات بخمسة وسبعون ريال يعني السنة 15 ريال .
معناه بحسبة بسيطة تكون العشر سنوات بمبلغ 150 ريال .

أفيدوني إذا أنا غلطان .

تحياتي .

[سمح المحيا]

حياك يالكاتب الجديد

وبالنسبه لحسبتك والله مدري عنها

بس هذا القرار طبق اليوم بمرور الخفجي

[& خفجاوي &]

اتوقع الخبر من مو صحيح

ما توصل الى 400 ريال

شنو الرخصة راح تصير اغلى من الجواز اتوقع الخبر هذا اشاعه

ولو راح تصير عشر سنوات ما راح تتعدى 200 او 250 ريااال


وتقبل مروري

[فايز العنزي]

يعطيك العافيه السعيدي
والى عنده رخصه صار لها خمس سنوات منتهيه فيه له زياده

[سطام الشمري]

ألف مبرووووووووك


والله يعينكم

[قلوب اطفال]

الله يعينكم

[آكاي]

اذا كانت هالمعلومه صحيحه .. فهذي مصيبه

لان الرخصه على نظام اول كانت بـ ( 75 ) ريال لــ ( 5 ) سنوات , يعني السنه بـ ( 15 ) ريال
الان الرخصه على هالنظام صارت بـ(400) ريال لــ (10) سنوات , يعني السنه بـ ( 40 ) ريال

زبدة الكلام هذا كله

ان الزياده السنويه اللي جت على الرخصه ( 165% ) بالسنه الواحده

هذه كانت زيادة الرخصه .. والله يديم الرخص

كل شي ارتفع سعره ..

إلا الانسان ..

رخص ..

[أبو رائد]

الله يعطيك العافية على هالمعلومة

والله يعيين ..

<< رخصته تنتهي بـ 1432

يمكن يتغير النظام ..

[نورمحمدعبدالرحي]

الف مبروك لكم على هذا الخبر