ياحـدود وبالحـلا مالـك حـدود
وين أبهرب منك فينـي يابْعـدي
كل ماهب الشعر لـك فـاح عـود
وكل ماجيت أنتهي فيـك أبتـدي
أنتي أجمل من سكن هذا الوجـود
وأنتي أغلا من تسبّـب بْجِهـدي
الليالي يالعيون السـود .. سـود
تشبـه أحـلامٍ تجيبـك وتْغِـدي
القمر والليـل ونجومـه شهـود
أني أسهر فيـكِ حتـى بْمرقـدي
جيت عنـدي أسئلـه تبغـى ردود
يانظر عيني ترى طـال أسِهـدي
أسألك بالله وش معنـى الصـدود
لاغدى موتـي يسـاوي مْولـدي
دام حتى النقص صار اليـوم زود
مـا ألومـك لانسيتـي مْوعـدي
ياسحابـه مزنهـا دايـم يجـود
كيف أبروى والثرى خان أْبـردي
ياأول حدود الوفا وآخـر حـدود
لو يغيب سهيل وش ذنب الْجـدي
جيت شاعر ضايقٍ فيـه الوجـود
جيت أكّحْل فيـكِ عينـي ْبِرمـدي
جيت أبقطف لك من أغصانك ورود
جيت أظلك تحت ظلـك وأهتـدي
يحرسك ربي من عيون الحسـود
ولعي نـارك بصـدري وأْرقـدي
داخلي صيحه كما صيحـة ثمـود
ورث من جدي وأبعطيـه أْوِلـدي
والله أني مانـي أنسـانٍ جحـود
لكن همومي حدتنـي لـك حْـدي
وياحدود المسأله ماهي حـدود ؟
البلا لاضعتي وأنتـي فـي ْيـدي
.
.
المواضيع المتشابهه
العرض العادي
