إلى متى واليعربي في هوانه=إلى متى صابر على الذل بسكات
إلى متى شعب العرب والمهانة=متلاصقين والروابط وثيقات
إلى متى عايش وميت كيانه=إلى متى ماله مع العز وقفات
خمسين عام عاشها في زمانه=ماشاف فيها غير ذلٍ وحسرات
هنّا ثم إنهّنا وعشنا الإهانة=حتى تسمينا (شعوب الإهانات)
تضحك علينا شعوب كانت جبانه=حنّا عليها فـ أول الوقت سادات
يوم أن ربى عــزنا بالديانة=ديانة الإسلام خير الديانات
يفتح بها بلادٍ وترفع مكانه=يجني بها عز وتبنى حضارات
ديانةٍ من عَـزها اعتـز شانه=ومنهو خَذلها بيندفن بالمذلات
وشعب العرب بالدين جاه استهانة=ومن عقبها شاف البلا والمضرات
والأقصى يصيح ويرتجي للإعانة=يصرخ ياوين العرب أهل المروات0؟
ويا وين عدنان العرب وقحطانه0؟=اللي على التاريخ حطوا علامات
ويا للأسف ما أحد يلبي أذانه=صمٌ بُكمٌ ماعاد في العرب فزعات
وطفلٍ بكا خوفه وفارق زمانه=صاح وبكى ولا لقى فزعةٍ جات
(الدره)00يصيح ولا لقى الاستكانه=في جنب أبوه يموت ماله حمايات
تسفك دمه نار الغدر والخيانة=في منظرٍ منه تشيب الرضيعات
نار اليهودي تعدمه في مكانه=وين العرب ما شافته كيف هو مات0؟
ماعندهم يا كود شجب وإدانه=وكلام ماينفع سواة الدعايات
ومن بعد ضاع العز باقي ضمانه=الله يعوضنا بناس عزيزات
ويبقى السؤال الصعب وين الأمانة0؟=منهو يتحمل ضيعة العز والذات0؟
وبيت العرب منهو يعيد اتزانه0؟=يحتاج له وزن يعدل الميلات
بيت العرب يحتاج ضبط وصيانة=صيانةٍ ماهي بمثل الصيانات
تضفي على ساسه ثبات ومتانة=ويقوى بها ضعفٍ ويجمع بها شتات
وختامها شاعر وهذا بيانه=مسؤول عن رأيه ولا فيه شكات
إحساس في قلبه نطق به لسانه=شعور يترجم واقع الحال بأبيات
[/poem]
0
00
0
[blink]أمتـــــي[/blink]
هل لك بين الأمم منبر للسيف أو القـلم 00؟؟
0
00
0
دمتم بود
كلمــات مــن ذهــب
من لم يحتمل ذل التعلم ساعة
بقي في ذل الجهل أبدا
العرض العادي
