مدخل /
بالأمس نتْواجه من السبت للسبتْ
واليوم ما فيني على البعد ، شدّه !
هذا أنا متعومس ، / وممتلي كبتْ
أذكرْه ! وأمسح دمعتي بـ ( المخدّه )
الليل موحش ! إذا حل وتذكرتك ،
الريح تخنق إذا هبّت ( جنوبيّه )
وقفت مملي غياب وجيت دوّرتك
بـ جفوني الذابله ودموعي الحيّه
هنا ! وقفت ، وتعللّت ، وتنطّرتك
وينك ؟ تعبت أتحرى كل عصريّه
هنا ! تنفّستك / وعشتك وسامرتك
هنا ! رسمنا أمل ( وأحلام ورديّه )
هنا ! مشاعرْك خانتْك ، وتصاغرتك
هنا ! مصير ( العلاقات الرماديّه ) !
طمحت بك فـ الحياة ، وما تصوّرتك
إنك بـ قتل الطموح / ( مبيّت النيّه )
عيوني إستصغرت ناسي وكبّرتك
ترد لي شعوري العذب ، بـ أنانيّه ؟
ما كنّك شتات ( لمّيتك .. وعبّرتك )
ما كنّي - اللي تمسّكت بـ / أياديّه !
آسف إذا اللّيل .. طوّلته ، وسهّرتك
وحسافة الشوق / والحب ومعانيّه
أكبر خطاياي ! حبّيتك .. وقدّرتك ،
وأكبر خطاياك ! أشواقك صناعيّه !
مخرج /
ضيّقت صدري وضاقت بي تعابيري
ملّيت ! وأنا أبحثك وأتعمّق أعماقك
رتّب حياتك / وضبّطها مع ( غيري )
وإن جيتني محترق من ثورة أشواقك
مابيك تستغرب ، بْرودي / وتقصيري
كل الحكايه : بديت أتأقلم ( فراقك ) !
للمبدع /سيف الهاجري..
المواضيع المتشابهه
أكبر خطاياك أشواقك صناعيّه ..
وفقكم الباري 
العرض العادي
