باح العزى فالحـب كيـف المحبيـن
وقـتٍ تغـيـر يالنشـامـا نظـامـه
من يـوم ماهبـت هبـوب الطويليـن
وانـا تلاعبنـى علـى التيـل دامـه
وعلى كذا يا(ابو الحيًـب ) اسبوعيـن
واثقل شوى تصيـد خشـف ونعامـه
الوسـلام حسيـن؟ مانيـب بحسيـن
غنج وعـذر مـع بحـتٍ ببأتسامـه
ودقت على ثانى بعـد حـول يوميـن
قلت اسلمي باشـوف غايـة مرامـه
اسمك ؟ وعمرك ؟واهتمامك؟ ومن وينمـن نجـد والا ساكـنٍ فـي تهام
ـه
قلت ابشري .. بس انشدك ويش تبغين
قالت تبي تشوف القمـر فـي تمامـه
ابـي بطاقـة شحـن بعـد اتصاليـن
ضحكة وأسف ..من بعدها بالسلامـه
هاذى شروط الحب في عـام الالفيـن
ادفـع تجـد مـن يغدقـك باحترامـه
مادام سعر المعرفـه بـس خمسيـن
بالله كـم سعـر الشـرف والكرامـه
اكيـد اغلـي شـى عنـدك بميتيـن
والعـرض سـاري ياحيـاة الندامـه
الـى متـى تنهـان ياداعـج العيـن
وتشحذ فتات الخبـز بسـم الشهامـه
لاتردعـك شيمـه ولايمنعـك ديــن
مـدرى كـذا ربـوك بابـه ومـامـه
ربى عطاك الملح والحسـن والزيـن
لكـن فقـد ملحـه بفقـد احتشامـه
مانـى بشماتـن لوضعـك وتدريـن
ولا انتى من التفكيـر جـل اهتمامـه
حبيت اوضحلك وش الزيـن والشيـن
وكرامـة الانسـان ترفـع مقـامـه
توكـلـى لاعــاد ثـانـي تدقـيـن
دربـك خضـر منـا ليـوم القيامـه
شوفـى حـدٍ غيـري ولابـد تلقيـن
خبـلٍ توافـق معطيـاتـك غـرامـه
اللى علومـه بـس حـول المزاييـن
لاواخـسـارة رزتــه بالعـمـامـه
العشق فـي سلـم الكـرام العفيفيـن
ستـر ومصونـه واجتنـاب الملامـه
والسر دايـم عهـد مابيـن الاثنيـن
واليـا درى الثالـث نكبهـم كلامـه
المواضيع المتشابهه
العرض العادي
