عشـاقه

[شموخيے غير]

انا والليل والعبـرة وجـرح وخاطـر ٍمكسـور
ونفس من هجيـر البعـد والحرمـان مقهـورة

وقلب ظامي لشوفـك ولايـروى ظمـاه بحـور
وعين تحتري لحظة غيـاب الطيـف وحظـوره


ونـار تنطفـي مـره ومـره تشتعـل وتثـور
واقول النار مقدورة وهـي مـا هيـب مقـدورة


حسبـت الليـل بغيابـك يمـرن الليـال دهـور
وكني شايـل بقلبـي ليـال الوقـت وشهـوره

تصبرت وتقدرت وبنيت مـن الخيـال قصـور
إلين ان الجفـا شـد الركايـب وانتهـى دوره


تحريتك على درب القصيد مـن ثـلاث شهـور
وحشا ما مات لك غصن يشف المـاي بجـذوره


تخيرت الغرام وجيـت لا راضـي ولا مجبـور
وجيتـي تسبقيـن خطـاك مرضيـه ومجبـوره


وانا ما كان لي رغبه أبين واكشـف المستـور
ولكن الجمـال أكبـر مـن الخفـاق وشعـوره


جمـال وود وعيـون ودلال وكبريـاء شعـور
وفتنة تخـذل عيـون النهـار وينطفـي نـوره


ولك في خافقي صوره تلاشت بين ضـي ونـور
وأخاف اسكت من الفرحة وتنطق باسمك الصورة


عرفتك وانتهت رحلة قسـاوة دربـي المهجـور
والا يا جملـة أيـام الجفـا والصـد مشكـورة


خذتني للجفـا عـزه واخذنـي للعنـاد غـرور
واخاف اكون بعنـادى حبيـب ومـات بغـروره


وإذا كانـت مسافـات الخيانـة للغـرام قبـور
وش اللي يجبر العاشق يخون ويحفـر قبـوره؟


وش اللي يجبر الشاعر يدور للشعـر جمهـور؟
مـدام انتـي محبينـه وعشاقـه وجمـهـوره

[خفجاااويه]

وقلب ظامي لشوفـك ولايـروى ظمـاه بحـور
وعين تحتري لحظة غيـاب الطيـف وحظـوره

مميز كتييييييير يا مبدعه

[شموخيے غير]

اسعدني تواجدك وردك
نورتي

[دانة الكون]

روووووووووعه رووووووعه

صح لسان الشاعر
سلمتِ ع التميز بالانتقاء
و الله يعطيك العافيه.

[الدووووخي]

كلماااات رووووووعة ..

صح لساااانكــ شمووخي غير ..

[شموخيے غير]

دانه
اسعدني تواجدك وردك
نورتي

[شموخيے غير]

الدوووخي
شاكره مرورك ويعطيك العافيه

[بشاش]

الله يعطيك العافية

[شموخيے غير]

شاكره لك المرور

[أبو الوليد]

.







صح لسان الشاعر .. وسلمت على الاختيار الطيب ...!!



الله يعطيك العافية .. ولا حرمنا من كل جديدك ...!!









::

وفقكم الباري

.. .. ومضـــــــــــــــــــــة .. ..

لآ إله إلا أنت .. .. سبحانكـ .. إني كنت من الظالمين .....!!