[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
نشوف بوجهك الضحكه نشوفك دايـمٍ فرحـان = ياحظك يومك تعيشه سعيد وحنا نشقى به
يقولون الحكـي عنـه ولايـدرون هالانسـان = ترى يومه يموته الـف يومه مـره يحيابـه
انا هاك الشعور اللي تعلق بـه طفـل ظميـان = وانا نفـس الشعـور اللـي سقيتـه دم يهنابـه
انا ذاك الغريب اللي نسـوه الحب والخلان = وانا نفس الغريب اللي تمنـى شوفـة احبابـه
انا ذاك الجبل لمـا دموعـه غرقـت وديان = وانا هاك الجبل يومـه تمنـى ينتهـي ترابـه
انا ذاك الشموخ اللي يكسر صرخـة الاوثـان = وانا ذاك الكسير اللي شموخـه حطـم انيابـه
انا ذاك الطبيب اللي يعالـج علـة المرضـان = وانا نفس الجريح اللي جروحه صارت اصحابه
انا بردٍ غزاه الصيف واصبح خـادم الهجران = وانا هاك النحيـل اللـي كسـاه الهـم بثيابـه
انا الحزن الحزين اللي حياتـه كلهـا احـزان = وانا القلب الـذي للهـم صـدره فاتـحٍ بابـه
انـا بحـرٍ بلاساحـل ولا مركب ولاشطآن = انا البحر الذي موجه غدربه وامكن صوابه
انا من هو عسف واطلق لجام لمهرته وعنان = وانا من هو غدرت به مهرته والروح منصابـه
انا من قلبه لضيفـه يصيـر الهيـل والفنجـان = وانا اللـي موقد لضيفه فضا صدره وترحابه
انا عبدٍ خلقنـي الله واشكـر نعمـة النسيان = ومن هو زلته فيني انا ماذكـر سـوى اطيابه
انا ياللي تقول اني اعيش العمـر بـه فرحـان = وتحسدني على الضحكه وتجهل خافقـي مابه
خذ ايامي وخذ عمري مدامه معجبـك يافلان = وعطني من حياتك اردى ايامـك ابـي احيابـه[/poem]
العرض الشجري