بسم الله الرحمن الرحيم
السلام عليكم ورحمة الله وبركاته
لا والذي سوّاك ماكان ودي = أبعد ولكن اهلك اللي يريدون
حطوا شروط قصدهم به تحدّي = وهم بحالي اكثر الناس يدرون
عجزت اطول اللي يبونه بيدّي = ولاقدرت انفذ اللي يقولون
هم ابعدوني عنك والقرب قصدي = هم حرموني منك والقلب محزون
حاولت منهم اعرف اسباب صدّي = لكنّهم أقفوا قبل مايردّون
ياليتهم يوم تركوني لوحدي = شافوا دموع الحزن لأجلك يهلّون
ياليتهم يدرون وش صار عندي = يوم قطعوا وصل به القلب مرهون
حرام... مثلي عن حبيبه يرَدّي = وده بقرب الزين واهله يعيّون
اعاهدك مانساك لو طال صدّي = حتى يصير الجسم بالقبر مدفون
المواضيع المتشابهه
العرض العادي
