oOo
يعطيك العافيه ياعشق
عسى ان تكرهوا شيئاً وهو خير لكم
:::
الحمدلله اذا كنت عزابي
انا اخوي متزوج وعنده ثلاث عيال
حنا بجنوب الرياض وصار مدرس بالقريات
يعني انحقط بآآآآآآآآآخر الدنيا
وكل ماجاء نقل
نترقب :(
ولايصير شيء
كل ماجاء لمنا خذ اللاب توب وفتح النت
يومياً موقع الوزارة يشوف صار شيء تحرك شيء
منا منا هاه
مافيه
::
زوجته معلمه اخذت اجازه بأول الامر وراحوا هناك فصل كامل
على امل يجي هالنقل
ولا جاء له
فإضطرت زوجته تجلس عشان دوامها وهو يروح
انواااااع التشتت وقطعة القلب
كل ماجاء يروح
::
والحمدلله ان ربي سخر له شباب بالقريات
كللللللهم نفس حالته وحالتك متغربين
ومن مناطق متعدده اللي من مكه واللي من الشرقيه واللي واللي
ساكنين ببيت ويطبخون ويمزحون ويلعبون
ويطلعون لاستراحه
وهالشيء كان له دووووور بعد الله سبحانه
في إبعاد شيء من ( السّجات ) اللي تجيه لاطروا له عياله
ولا كلموه ووينك يابابا
::
وكل شيء ولا بنته الصغيره
اوووول يوم لها بالمدرسه وبالدراسه كلها
( يِبزْ ) الصغير ويفرررررح حيل لاصار ابوه هو اللي موديه
بيوم يُعتبر تاريخي بالنسبه له
::
هي انحرمت من هالشيء ومن هالفرحة
وتذكرت ابوها بهالوقت من حالها وطلبت تكلمه ع الصبح
وتبكي تقول ( يبه ليش رحت وخليتني .. يعني ماانت موديني للمدرسة ..ابي اوريك مريولي )
وامها خذت منها الجوال لاتزودها البنت والرجال ماهو بناقصٍ هم
ولمن سكرت
صورتها بلبسها
وارسلتها له
<<<< هُنا قُلت شُكراً ثمَّ شكراً للتقنية التي سمحت لنا بمشاركة الأحداث وإنا كُنا بأقاصي البلاد .. مع أنها مؤلمة بعض الشيء!!
هو عوره قلبه وصار يجي دايم
قاص تذاكر رايح
قاص تذاكر جاي
خميس وجمعه
ومره جاء الثلاثاء
حتى يوم الاربعاء يودي بنته للمدرسة ويحقق أُمنيتها
وجات لنا بنته الصبح مبسوووووطه والدنيا موسايعتها
وتحس بشيء جديد ودها تعلم العالم كله ان ابوها هو اللي بيوديها للمدرسه اليوم
وجايه لي عميمه تعرفين بابا بيوديني المدرسه .. أنا بأروح مع بابا اليوم
وتروح وتجي ع كل اللي بالبيت
لما راحت
قلت الله يخليه لك ولايحرمك منه
::
وهو بهالغربة لقى كم واااااااحد من اهل القريات يتمنوووووون يجون القريات ويستقرون
بلا حركات النذالة والذل هاللي نلاقيها مع كل تعيين
وكل مالقى واحد قال
( فُرجت ) ويوم سأل الوزارة عن قرار المُبادلة وان فيه كم واحد يبي يبادل
(يداقش ع قولة مبروك زايد
)قالوا وين لالالالالالالالا ألغينا هالقرار منذ مبطي
يامال العافيه شي(ن) تفرجون به ع المسلمين تلغونه .. هاوين نكد وشقا بخلق الله
واللي لاقاهم نفس التخصص ويدرسون نفس المرحلة ونفس ونفس يعني راكبييييييين عليه بالضبط بس وش نقول غير
(إلى الله المُشتكى)
اجل واحد يجيبونه من الشمال يجدعونه بالجنوب
ولا واحد من الشرق يجدعونه بالغرب
واللي بالوسطى عاد كورة يرمونها بأي الجهات
::
وبحمد الله
وبنعمة من الله وفضل
كم مره وهو يقدم على بند مدري حركة
(لَّم الشمل) << خاصة بالمتزوجين يعني تزوج
والحمدلله
مع الدعاء
يسرها ربك
وفرجها
بعد مُعاناة سنتين
مابين هم غربه وهم زوجه وهم عيال وهم تشتت وهم بعد عن الأهل وهم تدبير اموره
طلع اسمه مع حركة النقل والحمدلله نقلوه لمنطقه قريبه منا ماتآخذ ربع ساعه وانا اداوم فيها بعد
ويافرحتنا فيه ربي يخليه لنا
وعقبآآآآآآآآآآآآآلك يا
عشق الشمال
ربي يفرح اميمتك بجيتك لمها
ويفرح أهلك بقربك منهم
واصبر وان شاء الله تبي تفرج
::
أدري كثرت بالهرج
بس قلت من شاف مصيبة غيره تهون عليه مصيبته
وأنا بغيت أهونها عليك
::
وياعساك سالم
Oo[mark=666666]
جــوري[/mark]
oO
المواضيع المتشابهه
وفقك الباري 
العرض العادي
