فمان الله..
قصيدة رائعة ..
غارقة في الروعة ..
أذهلتني .. وأحببت أن أنقلها لكم ..
للأمانة .. هي للشاعر .. كاتم الآه ..
//
//
//
//
فمان الله تسهّل يا عسى دربك زهر وورود
في حفظ الله وأدعي لك تحقق حلمك الوردي
تعيش ف دنيتك هاني ولا تشكي أحد مفقود
مثل ما عشت من قبلي تعيش بخير من بعدي
متى كانت حياة الحر شعر ويحتويه قيود
تقيّدني القوافي .. ينحصر بأوزانها قصدي
مدامك ما تبيني فأعفني من دربك المسدود
غيابك أو وجودك مافرق ياصاحبي عندي
ولا يخطر على بالك .. أجيك وارتجيك تعود
طريقٍ جاب طيفك يوم لي لطيوفك يودي
تراني قدها ماينحني راسي نعم .. وقدود
وهذا البحْرِ واشرب منه لو ما يعــٌـجبك ردي
أأكد لك وانا واثق .. ثقة فاقت سما وحدود
بأنك ما تلاقي من يعوض شي من ودّي
أمانة بس لي غابت طيوفي وانكسر لك عود
عرفت إنّ الأمر حاصل .. وكل اللي جرى جدّي
تذكرني وانا ادعي لك عسى دربك زهر وورود
وقلبك ما يذوق المر يوم بحلمك الوردي
أكرّر كلمتي لما اقول ان الأمل موجود
مثل ما عشت من قبلي أكيد تعيش من بعدي ,,
وســــــــــلامة قلوبكم ,,
المواضيع المتشابهه
فمــــــــــــان الله ؟؟؟
العرض العادي
