أحــدث رد على قصيدة ناصر القحطاني في شمر

[فهدالقحطاني]

هذا أحدث رد على قصيدة ناصر القحطاني في شمر ،،،،،


رائعة ناصر القحطاني.

الشمس غابت وكل ٍ دوّر سراجه

والشوق جمّر محرّ الشوق لاجمّر


دام اتجاهك شمال مودعك حاجه

سلّم على حايل وسلّم على شمّر


قدامك الخافق اللي ينشد علاجه

كنه معلّق على برزان ومسمّر


وانت تعرف يا بعد حيي من تواجه

بيضان الافعال لامن الزمن سمّر


ان ضاقوا أعنف من البحر وامواجه

وان راقو اركد من الخرمان لا عمّر


كم صيت بيت ٍ عتق في الباب مزالجه

وكم شيخ اماره قبل تعيينه مومر


وكم حاتمي ٍ تكفيّ فلّة احجاجه

وش لون للضيف لو عن ساعده شمّر ؟


وان مر تاريخهم متلبس ٍ تاجه

كم عاشق ٍ كيّف وكم حاسد ٍ زمّر


في جو ٍ اغلى على الرجلي الى داجه

من ديرة السادس ومن ديرة معمّر


كنّه الا اهدى له البراق فجاجه

خلت غرير ٍ ضحك ومن الخجل حمّر


توارثو حرثه وتمتير ديباجه

ركابة الجيب من ركابة الضمّر


الودّ لا غرس بدري صعب مخراجه

والله ولا الذّ واحلى منه لا ثمّر


ادخل على اللي تطوف البيت حجاجه

من ناقص ٍ عند مدح الغير يتذمّر


والمدح لو كان في الرديان للصاجه

ويقال عمّر بلد بالعون ما عمّر


والذّم لو زاد في الطيب تولاجه

لا احرق ولا اغرق ولا عمّر ولا دمّر


ماني بمتحسب بشعري على حاجه

الا اني اروح ما غنيت في شمّر




هذا رد الشاعر احمد الجريفاني الشمري

على قصيدة الشاعر ناصر القحطاني في حائل وشمّر..

هلا بشهمٍ صدق في رسـم منهاجـه

هلا بمنهو تمثّل فـي جبـل شمّـر


هلا بمن تعجـز القيفـان لحراجـه

ومن حقه إنه على القيفـان يتأمّـر


وصل سلامك ولا يحتـاج ديباجـه

عمّرت صرح الغلا ياعلّـك تعمّـر


نظمت عذرا تهبّـل فـي تغنّاجـه

لو حاول احدن يجاري حسنها قصّر


يامير الاشعار يامن يحسـده تاجـه

اعذر محاكيك بالقيفـان لـو كـرّر


لو يمرض الجود نادوا فيك لعلاجـه

تعطى البشاره لمن في جيتك بشّـر


لو يظلم الكون نورك يجلب افراجـه

ماعاشرك في حياتك حـي ويكـدّر


يشهد لك ا لليل لامن ضوت ابراجه

ويشهد لك الحبر والاقـلام والدفتّـر


والطيب يشهد لك انك صرت هداجه

نعم المراجل ونعم الاصل والمخبـر


قحطان كنه محيـطٍ تلطـم امواجـه

طوفان عارم ليامن الهـوى زمجـر


ولامن هدا الموج يهدي غالي انتاجه

الدر واللـول والمرجـان والعنبـر


ما رامهم طامع إلا يرجـع ادراجـه

الليث ماينقرب خـصٍ ليـا كشّـر


نبراس عزٍ يسـرك فـي توهّاجـه

من خلقت الكون حتى ساعة المحشر


يامن نظمت البيوت وقمت بخراجـه

عسى حياتك سهود ولايجيك الشّـر


منت الذي يحسب بيوته على حاجه

حنّا هلك والجبل في مثلكـم يفخـر


ولا غابت الشمس محدن دور سراجه

نور القحاطين ساطع في جبل شمر



......................... وشـــمــــر يــــســـــتــاهـــلــــووووون

[عبدالعزيز الجلعود]

فهد القحطاني


سلمت يمنااااك على النقل



وصح لساان الشاعر

احمد الجريفاني الشمري

وكلهم بهم خير

ويستاااهلوون

تقبل تحياتي

[فـتـــــــــون]

يستاهلون أكيد


أخي الكريم ... حاولت أختار جم بيت في ردي

وعجزت ...

كل بيت يقول للثاني .. قوم وانا مكانك

احترت ...


كلمات رائعه .. ونقل أروع




يعطيك العافيه

[فهدالقحطاني]

ألف شكر ويعطيك العافية ياأخ عبدالعزيز الجلعود وشرفتنا بمرورك

[فهدالقحطاني]

مشكور اخوي مناي على المرور..........

[نواف الفهاد]

هلا وغلا ..

الغاااالي ..

فهد القحطاني ...

روعة .. والله روعة ..

ونقل مميز ...

تسلم يمينك ..

سلالالالالالالالالالالالالام ,,

[فهدالقحطاني]

هلا وغلا الغالي نواف الفهاد ومشكور على المرور............

[ابتسـ ألم ـامة]

[glint]هـــلا وغـــلا
أخوي فهد القحطاني [/glint]



اختيار رائع


ونقل مميز


سلمت يمناك


[blink]وشمر يستاهلون [/blink]



لك وللرائديين الغاليين أرق تحية وأعذب كلمات
دمتم بخير


كلمــات مــن ذهــب
من زاد في حبه لنفسه ... زاد كره الناس له

[عبدالله اليامي]

فهد القحطاني


ارحب يا المحلفي

ونعم با قحطان ونعم بشمر


يعطيك الف عافيه


اخوكم

[البــــــــــدر]

وكم حاتمي ٍ تكفيّ فلّة احجاجه

وش لون للضيف لو عن ساعده شمّر ؟



فهد القحطاني


كفيت ووفيت وماقصرت والله




ولا غابت الشمس محدن دور سراجه

نور القحاطين ساطع في جبل شمر




الشكر لكل الشاعرين المبدعين



والشكر موصول لك يابن قحطاااان على الابداع المتواصل