حتى ابليس اللي على الشر ما نام .. لا قال افرقهم يقول أتحلم

[أبو رائد]

السلام عليكم ورحمة الله وبركاته

قصيدة جميلة ورائعة للشاعر المبدع / سعد صالح المطرفي

تصوير جميل .. وأسلوب رائع .. وكلمات مؤثرة

.

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا تكبر الشرهة على عشرة ايام=لا صار ماهي سنين ليه اتألّم

لا صرت من عشرة كذا يوم منضام=وشلون لو عشرة سنين أتّبلّم

لكن مدام انك تعاني من الام=تعال اخفف عنك لجل تعلم

وش قولك بشخصين عشرة من اعوام=لا فيهم اللي من عشيرة تظلم

على النقا ظلوا عزيزين واحشام=وكلن على الفزعات دايم مولم

لا قال ذا قدام ذا قال قدام=وقبل يتكلم خابر وش بيتكلم

حتى ابليس اللي على الشر ما نام=لا قال افرقهم يقول أتحلم

والحين شفهم وتعرف كيف الاجرام=وتعرف كيف الشر بر وتعلم

من قبل لا تقابلوا مثل الايتام=لا شفت ملقاهم لبعض اتالم

واليوم لو هي صدفه بمر الاعوام=ما فيهم اللي شاف صاحبه سلم
[/poem]