كيكه بكريمه القهوه 2013 , مقادير عمل كيكه القهوه 2013

[الامير باسل]

كيكه بكريمه القهوه 2013 , مقادير عمل كيكه القهوه 2013
كيكه بكريمه القهوه 2013 , مقادير عمل كيكه القهوه 2013


كيكه بكريمه القهوه 2013 , مقادير عمل كيكه القهوه 2013

كيكة لذيذة وسهلة بكريمة القهوة والمكسّرات

مقادير الكيكة :

3 بياض بيض

1/ 4 كوب سكر

2 كوب لوز مطحون

2 كوب سكر بودرة

لتحضير كريمة الزبدة :

2 بياض بيض

1/ 4 كيلو سكر

1/ 2 كوب ماء

1/ 4 كيلو زبدة

1/ 4 كوب نسكافيه مذوّب في ماء ساخن

الطريقة:

1- لتحضير الكيكة؛ اضربي البيض كويس، وحطّي معاه السكر تدريجيا على ثلاث مراحل، مع الاستمرار في الخفق لحد ما الخليط يتماسك، ويبقى عامل زي الكريمة الهشّة.

2- اخلطي اللوز المطحون مع السكر البودرة، وقلّبيهم مع البيض بهدوء لحد ما يمتزجوا كويس.

3- هاتي الصينية اللي هتعملي فيها الكيكة، وادهنيها بكمية صغيرة من الزبدة وافرشيها بورقة زبدة، وبعد كده صبّي عليها الخليط.

4- دخّلي الصينية في فرن سخن على درجة حرارة 180 وسيبيها لمدة 15 دقيقة، وعلشان تتأكّدي إن تسويتها مضبوطة ممكن تدوسي عليها بصباعك لو لقتيها رجعت تاني يبقى كده استوت، بس أهم حاجة إنها ماتبقاش ناشفة.

5- لعمل الكريمة؛ حطّي السكر والمية على النار، وسيبيهم يغلوا لحد ما يعملوا كراميل طري.

6- اضربي بياض البيض كويس أوي لحد ما يبقى قوامه كريمي، وبعدين صبّي عليه الكراميل وهو سخن مع الاستمرار في ضربه لحد ما الخليط يتماسك.

7- استمرّي في تقليب الخليط، وحطّي معاه قطع الزبدة تدريجيا على عدة مراحل لحد ما الكريمة تكون جاهزة، وبعدين حطّي النسكافيه واخفقيهم علشان يمتزجوا مع بعض، وممكن تجيبي أي مكسرات مفرومة عندك وتخلطيها مع الكريمة.

9- حطّي الكيكة في قالب وشيلي الزيادات منها، وصبّي عليها الكريمة وافرديها كويس وساويها، وبعدين دخّليها التلاجة لحد ما تتماسك، وممكن تزيّنيها قبل التقديم بصوص الشيكولاته، وقدّميها..

[دانة الكون]

الف شكر ع الوصفه

[ثلجة وردية]

يعطيك العافية يالغلاااااا.
خآلص ودي وإمتناني...
..

[روعة المشاعر]

سلمت الايادى