رائعه للشاعر فرحان قيران

[علووووووش 911]

حيث الشاعر يعبر عن موقف حدث له بهذه الابيات
ياللي على بعض المواقف تشره
.....................لا تطلب العدله وكلك عواجه
الطيب بعده عنك بعد المجره
.....................حتى كلامك فيه نقص وسماجه
احذر تهور عند مالك وصره
.....................ياديـــــــــــــــــــــــــ ــــــــك لا تزعل عليك الدجاجه
ليا مت قبري جنبه لاتمره
....................ولا ضنتي عقب الممات نتواجه
انا صديقي في ليالي المضره
...................لي اختلط هم الزمان وعجاجه
والا على ماقيل وقت المسره
...................يـــــــــــــــــــــــــــــا كثر من يضحك بوجهي حجاجه
ايامنا هذي طعم شري مره
...................نارد قراح الما ونشرب هماجه
بعض المواقف كانها مستمره
...................فيها على بعض النشاما حراجه
ابو حقب يسلك وذيله يفرررررررررره
...................تجنب العقبان حلوة مراجه
الله من هم (ن) خفوقي يجره
..................ردة صداه وبالخفوق ارتجاجه
تسمع لهن من ضغط الاعصاب صرررررره
..................تشرخن شرخ الحجر للزجاجه
والله من هم(ن) خفوقي يمره
.................وسط الشرايين الضعيفه مداجه
لقيت لسباعه على الصدر جره
...............واسمع لهن عند الفريسه لجاجه
مارلله در الصبر لله دره
...............به ضيقة(ن) ماتنحمل وانفراجه
امنت بالمكتوب خيره وشره
...............من اللي بسط قاااعه وعلق سرااااجه
ياصااار لي رب(ن)سمع مشي ذره
..............وشلون ابطلب منك يالعبد حاجه


وسلاااااااااامتكم

[سامي الشمري]

ياصااار لي رب(ن)سمع مشي ذره
..................................وشلون ابطلب منك يالعبد حاجه

الله عليـــك يا علــوش ,


صــح لسـان الشـاعر فرحـان قيران ,


و تســلم يمينك على الذوق الرائع


تحياتــي لك

[الحنان]

الله من هم (ن) خفوقي يجره
..................ردة صداه وبالخفوق ارتجاجه
تسمع لهن من ضغط الاعصاب صرررررره
..................تشرخن شرخ الحجر للزجاجه


،،،،،،،،،،،،،،،

علووووووش 911


الله . . الله .. عليـــــك ..

.. إختيــار .. راااااااااااائع ..

صح لسان .. قائلها .. وتسلم يــــد .. ناقلهــــــا ..

[بقــ جروح ــايا]

أخوي علوووووش...

مرحباً بك... لإنضمامك في عائلة الرائدية ( المتواضعة)...

ونتمنى لك أطيب الإقامة معنا...
............................................
أخوي علووووش....

لا هنت على النقل...

وتسلم يالغالي...

وصح لسان الشاعر فرحان...




ودمتم سالمين