مقدمه :
مرات ؟؟ من زود الجفا
أضحك على نفسي وأقول !!
لو كان بالدنيا وفا
ما أنهانو عيال الأصـول
لكم هذا الـنـزف فمنكم سوف يعرف شخصية الــعــطــاء منه
ومنكم سوف يتعرف على الشاعر ( ؟ ) الذي اراد اسمه
المستعار أن يكون ( الــعــطــاء )
لا تسأليني والمشاعر جريحه
لا تبحثين بخاطري وجه الأسباب
خلي العواصف ساكنه مستريحه
حتى الشجر لاهزة الريح يرتاب
خليني ساكت لاتضيق الفسيحه
بعض السوالف للألم تفتح أبواب
مجبور أعــارض رغبتك يا صــريـحـه
عفت السوالف كلها وخاطري طاب
نفسي لقت بالصمت حاجه مريحه
لا شفت كل الناس في عيني أجناب
ماعاد اسولف للصدور الشحيحه
اللي تهرب لا لقت مني أعـــتـــاب
مابي أسولف لاتصيري لحيحه
راحة فضولك سعرها دمع واهداب
همي كبير وضحكتي ما تزيحه
ولاني ضعيف أن زادني وقتي أتعاب
فيني مواجع لو أبكذب صحيحه
وفيني حــزن لو يلمس الليل ماغاب
أغلى الأماني في حياتي ذبيحه
واسمى طموح بناظري فوقه تراب
خلت بي الدنيا هموم وقريحه
اكتب شعر والناس تقرا وتغتاب
في عيني الدنيا فتاة قبيحه
مهما تمكيج مالقت عندي أعجاب
تعالي نضحك للكدر يا مليحه
ونبني بذل أرواحنا مـجــد كذاب
تحــياتي لكم
فرحان الرويلي
العرض العادي
