"
احبتي الكرام
تحيه طيبه .. اضع بين ايديكم هذه المتواضعه بأمل أن ترقى لذائقتكم
][ صروح الحب ][
يابنـت هـاك الليـل مظلـم وحالـك
من يوم مـا ( حلمـي ) بيـدّك هدمتيـه
العـام يومـيـا ً تـجـدد اوصـالـك
واليـوم صديتـي ووصلـك قطعتـيـه
اول تموتـي لـو تـركـت اتصـالـك
واليوم رقمـي مـن جهـازك مسحتيـه
مدري وش اللي غيرك وش جـرى لـك
مدري ومدري .. والسبب كيف ! او ليه !
سبحان مـن غيـر اطبوعـك وحالـك
وسبحـان مـن خـلا فـوادي يعاديـه
تدرين وش يعنـي أذا القلـب جالـك !
يعنـي عشانـك كـل شـيً اخلـيـه
هذا الجـواب اللـي كتبـت لسؤالـك
مبطـي يـوم ان الحـب يسـوا معانيـه
مبطي يـوم ان القلـب يعشـق جمالـك
يومـه عمـى ماشـاف كثـرة مساويـه
واليـوم عينـي مـا تواطـن خيـالـك
لان الغـرور بداخلـك مرتـع ٍ فـيـه
خلاص ابرحـل عـن سمـاك ومجالـك
نجـم ٍ افـل مـن كوكبـك لاتنـاديـه
عافك عقب ماكـان يعشـق خصالـك
عافـك مـدام انـك بديتـي وعفتيـه
تدريـن وش يعنـي اذا الليـل حالـك !
يعني صـروح الحـب بيـدك هدمتيـه
شعر
فايز بن رجاء البجيدي
( الرآحل الغريب )
2/2/1431هـ
"
المواضيع المتشابهه
العرض العادي
