[align=center][grade="00BFFF 4169E1 0000FF"]اليوم جايبن لكم قصة واحد مهااايطي وكان هالكلام من زماااااااااان
عاد ابيكم تقرون السالفة ....
واحد غاثن لوه ربع<<ماله شغل لا بالغثه ولا المغثه ولا ابن عمهم النشبة المسرد (الكذوب)
وكل يوم وهو عندهم رازن عمروه وانواع الكشخ الله يجيرك ياعليه لووه نذخ الله لايوريك
الظاهر ان عندهم بنيوات والمسكين قال يمكن احصل على حديهن
وكل يوم وهو محضر قبل لا يشب راع البيت وانواع النصب
هكالسنه كنت مع عقيل والله وهم يطلعون لنا قطاعين طرق
والله وانا اهماهم كلهم
وهكالسنة كنت مع ربعن على ام رضمه والله وهي تصير هكا لهوشه
وانا افعل واترك
وهكالسنه
وهكالسنه
المهم راع البيت انغث منوه والربع اللي حولوه عرفوا ان
خويهم ماش بس صرف كلام وقالوا لا زم ندبر لوه سالفة ونخليه ينكل عن بعض سوالفووه
وينقز واحدن بربعة البيت قال مالكم الا سلقة فلان وفلان هذا كان
متشطرن عنهم ولا عمر خوينا المهايطي شافوه
وكانت هالسلقه منقطه اللي يشوفه يقول نمر بس ذابحوه الفقر
وهالسلقه ليا شافت الواحد حاطن رجلوه تولجتوه
قالوا زين بس لاحد يجيب لوه طاري,,,, واتفقوا عليه يوم جاهم قالوا
اخس يافلان والله مابوه الا انت اللي تفكنا
قال ابشروا بس وش العلم
قالوا بوه لوه نمر بفودزي (فوق) هالضلع ودرعبنا كل يوم وهو آكلن لوه واحد
وانت الظاهر ان الله باعثك لنا واليوم مالوه الا انت
والله وهو يقوم وجهوه يقلب الوان
هاااااااااااه نمر وشلونوه وين هوبوه
قالوا مالك شغل انت اطلع معنا ونبي نلبد لوه فوق وليا طلع لنا اغديك تجيبوه
والله وهم يرسلون لهم واحدن معوه السلقه وقالو لوه تغيب
فوق وغيب السلقة معك وليا شفتوه هرب اطلق السلقة باثروه.
والله وهم يجبرونه ولا قدر يقول لا وهم يرقون بوه فوق للضلع
ويوم انصفوا بوسطي الضلع والله وهو يقوم صياحهم هذا هو
جاكم ,,جاكم ,,وينك يافلان
وهم يلبدون وهذاك اطلق السلقه ويم شافه خوينا حط رجلوه
وهي شافتوه مقفي والله هي تدق طبلونه باثره
وانواع المناقز بوسط هالقلع وينزل ومن عند البيوت تقول فشقه
والربع اللي عند البيوت ينطحونوه وش العلم قال وخروا بس
لابوكم لا بو ستين كلب والله وهو يبتل سيدوه
والربع باثروه وين خوياك ويلتفت لهم وهو حاطن رجلوه
قال الظاهر والله ان النمر كلاهم مار تروه باثري انتبهوا
ولا عاد شافوه من هكاليوم
ونتمنى انها تعجبكم واسمحو لي على القصور يالربع
وهذي السالفة
.[/grade][/align]
المواضيع المتشابهه
العرض المتطور
