ماينكـر المعـروف غيـر ابـن الـحـرام
كلـمـة وتلقـاهـا مـعـا كــل بـــدوي
هـــذاك لابـــرد عـلـيـه ولا ســـلام
ماينقـصـه يـاكــود يـنـبـح ويـعــوي
الله يعـز إلحـى الرياجـيـل الحـشـام
من كلمـة ماهـي تصيـر وتستـوي
الأرض صارت عـش لطيـور الظـلام
وابلـيـس ماقـصـر والأيــام تـغــوي
والإ أنا مانـي علـى احسـن مايـرام
مبطي وانا عن من سكنها منطوي
لاصار ما لك مـع هـل الطالـه مقـام
ياقـلـب فجـرهـا ويـاصـدر احـتــوي
خل الدموع اللـي ورى عينـي تنـام
تنـزل علـى خـدي وتكوينـي كـوي
ياقلب لاتشـره علـى بعـض الكـلام
مـا كـل خلـق الله بالـدرب السـوي
وان ماحصلـك خـوة النـاس الـكـرام
احسن لـك تعيـش الحيـاة بلاخـوي
للشاعر / يوسف بن رزاق العتيبي
المواضيع المتشابهه
وان ماحصلك خوة الناس الكـرام .....احسن لك تعيش الحيـاة بلاخـوي
العرض الشجري