شكراً لـ حلمي وتصويري وأفكاري
وشكراً لواقع أعيشه ما(ملى عيني)
جنوني أكبر من الرحله بـ مشواري
وحساسي اكبر من اللي كان يعنيني
ظلماي ، لو تطفي ألهفه بـ أنواري
بضيع اكثر من اللي عشت بـ سنيني
كبيت صدري من الاحساس في ناري
ابشتعل ، وانطفي مني وبعد فيني
ياساحل الهم قلي وينهي دياري
تعبت ادور على نفسي حواليني
اغلط لـ نفسي وعريني من أعذاري
والقصد ؛ منهو على نفسه يبديني
أعرف وقتي وماجوبي ومقداري
وعرف ضيقي قبل لا صدق يرميني
وجه الحزن هو كفيل بـ(موجز أخباري)
لاني بدونه ، احس الكون ناسيني
الليل دايم يقسمني على أوتاري
ويعزفني الصبح بـ لحانه يواسيني
ياضيقة الوقت لو لي حق في ثاري
بـ ذبح جنوني من الافكار بيديني
أبعترف في حقيقة حلمي الساري
وبعزف الجرح قبل الجرح ينفيني
انا أكثر انسان في درب الوجع ضاري
وانا اكثر انسان اشوف الحزن يطريني
ماهو ضروري تجيب الناس لي طاري
ماكل واحد بـ أفكاره ، (ملى عيني)
المواضيع المتشابهه
العرض الشجري