شركــــه بالجبيل تنصب على الموظفين السعوديين ...؟؟!!...

[شـــقـــاوي]

يقولون جماعة يقولون

إنه في شركة في الجبيل اسمها صراحة غريب عجيب

المهم الشركة هذي... تلعب لعبة وصخة على الموظفين الشباب من خلال مديرها الباكستاني اللي مسيطر على الوضع مع غياب راعي الشركة السعودي اللي ما ينعرف وين هو به

يقولك الشركة هذي وش تسوي؟ توظف الشباب السعوديين العاطلين عن العمل وتستفيد من خدماتهم طبعن بدون عقد عمل وكل ما سأل الموظفين الشباب عن عقد العمل ومتى يوقعونه قالوا بعدين اذا جا راعي الشركة السعودي لأنه لازم يوقع على العقود

طبعن الشباب المساكين اللي يدورون وظيفة خايفين انهم اذا كثروا السؤال عن العقد يزعل عليهم الباكستاني ويطردهم

طبعن الموضوع هذا مخالف لأنظمة العمل والعمال بالسعودية والشركة تسرح وتمرح بالموظفين عيالنا الشباب وتنصب عليهم ومتى ما خلصوا من الشغلة اللي يبونهم فيها قضبوهم الباب

للمعلومية وعشان اخونا الشباب يكونوا واعيين اسم الشركة هذي (تروق وتحلا) <<< ما قلت لكم الاسم غريب عجيب

نصيحة للشباب اللي يبون يتوظفون عند الشركة هذي انه اول شي يوقعون العقد واللي يشتغل بدون ما يوقع لا يزعل اذا قضبوه الباب

طبعن مكتب العمل والعمال ما يدري وش السالفة ولا حتى عنده استعداد انه يدري وش السالفة لنه موب فاضي لشبابنا

ويا قلب لا تحزن


مع خالص التحيـــــه...

شـــــــــــــــــــــــــقـــــــــــــــــــــــ ــــــــاوي...