معاناة طالبات كلية التربية بالخفجي(بالصور)

[ناصر الزعبي]

السلام عليكم ورحمة الله وبركاته ..


أما بعد إلى من يهمه الأمر..


في هاذا الموضوع اليوم اللذي قد عانين منه طويلاً نحن طالبات كلية البنات في الخفجي مايظهر ولو بشكل بسيط المعاناة اللتي نعاني منها يوميا ولمدة شهرين.. وهي النظافه اللتي نطالب بها وهاذا من ابسط الحقوق البشريه .. وهل يعقل أن كلية تتبع للتعليم العالي لا تمتلك الميزانيه للنظافه ؟؟ الى درجة وجود النفايات على مدار شهرين متواصلين ولم يتم تنظيفها الا من قبل البنات الاتي يأسن من هاذا الحال اذ لا يوجد مكان لوضع النفايات علماً بأن النفايات لا ترمى خارج الكلية نهائياً .. وعند تقديمنا بالشكوى كان الرد:: لا توجد ميزانيه !!هل يعقل؟


والصور اللتي سيتم وضعها ستثبت ذلك..
علماً ان تم التقاطها صباحاً عشان ما تقولون ان الكليه ممكن كانت وصخه وتصورت لا والله ابدن ..



هاذا هو الحال في دورات المياه والكل بكرامه وهاذا ابسط شي موجود..حتى ان النفس لا تستطيع النظر لغيره ..هذه المغاسل . ناهيكم عن المياة اللتي يتم قطعها لأسابيع وأشهر حتى اننا لا نتمكن من الصلاة في وقتها









شوفو بس كيف البكتيريا والجراثيم .. وربي اللي فيها ربو صارت تضطر تغيب بس عشان ما تزيد حالتها ..



هاذا الهوز له فوق الشهر وشوي على وضعه .. مبهذلنا وقارف عيشتنا ..
والسبب ما فيه عمال نظافه



وهاذا المكان اللي من الزحمه يضطرون الكثير من البنات يقعدون فيه وطبعاً المكان اللي يحفظون فيه اغراضهم .. !!!





هي البراده المصديه اللي ما فيها ماي ههههههه شوفو كيف < طبعاً بالصبح كمان


وهذا الدور الثاني عند قاعات قسم اللغه الانجليزيه والعربي وغيرهم ..سنه ثالث وثاني ورابع



وهذا الدرج اللي يختصر علينا الوقت والجهد للذهاب الى المحاظرات قد تم سده بواسطه خرده من الطاولات لمكاتب الاستاذات وخرده حديد وغيرها ونفايات بس عشان ما نروح للمحاضرات بدري والله انه كان مختصر علينا اشياء واجد .. وبحكم كوننا بنات ما نقدر نشيل الأشياء الثقيله هاذي .. بس جا يوم وشالوه بنات جزاهم الله الف خير طبعاً مو بنت ولا عشره ولا عشرين ..وهاذا كله عشاااااااان (ما فيه ميزانيه نجيب عمال يشيلونه) !! عــــــجب



ما قدرنا ناخذ صوره اقرب وذلك بحكم منع جوال الكاميراً وخوفاً من موظفات الأمن والقوانين الصارمه فمن تحوز هاذا النوع من الجوال في داخل الكليه < ما نعترض على هالشي بس للضروره احكام ...



هذا وكان ودي اصور وانتو بكرامه المجاري اللي في فناء الكليه يعني بالساحه حول البنات مجاري خضرا والله الشاهد على كلامي ويقرون الطالبات في هذي الكليه انهم يكذبوني اذا كان كلامي مو صحيح وهاذي صفحاتي

وهاذي نتايج من العام معلقه لها سنه الحين .. شوفو الغبار بس



وهاذي معامل اللغه الانجليزيه ما عمرهم استخدموها ابداً إلا بالاختبارات إذا صار في القاعات زحمه يروحون يختبرون البنات فيها يعني بنات الاقسام الثانيه لقلة الطاولات ...





هاذي غرفة الصيانه ::



شوفو الطبيعه في كليتنا ....
هاذي الاشجار .. لمى وصل لهم خبر السنه اللي قبل الماضيه أن الأمير جلوي بيحظر انزرع هاذا المكان في يوم واااااااحد ... وبس راح انشال كل شي كل المشاتل



وهذا اللفت اللي خرب اول ما فتحت الكليه وهاذا هو حاله من يومها .صار مستودع للقاذورات سدوه بطاوله ..



وهذا له شهر على هذا الحال ...



وهاذي صوره للقاعات الجديده اللي نضن انها قاعات ولكن لا يستخدمونها ابداً ولم يتم استخدامها !! بلا اسباب لدرجة اننا بدينا نشك انها ممكن تكون غرفة العميده الجديده او االاداره الجديده ....



هذا مدخل لأحسن قاعات موجوده في الكليه قاعات قسم الرياضيات احسن وانظف قاعات .. شوفو شكلها للعلم انها احسن شي موجود ..
واكرر لم نستطيع تصوير القاعات الأخرى وذلك لضروف امنيه .. ناهيكم عن الكافتيريا ذات الدخل المحدود وصغيرة الحجم جداً .. كافتيرا وحاده فقط في كليه تضم اكثر من 3 الاف طالبه !! كافتيرا مثل المقاصف اللهم المقاصف فيها سندويشات زينه وعددها كثير ..

شوفو المدخل



هنا بنات جزاهم الله خير قامو بتنظيف قاعتهم ولكن لا يوجد مكان لوضع النفايات ابداً إذ
ان السلة المهملات لا يتم تفريغها من اكثر من اسبوعين



وهاذي انظف قاعات واوسع واحسن قاعات لأنها اوسع قاعات





وهاذي صوره في الجوله في كليتنا في هاذا المكان الغير صالح للسكنى البشريه ...

واعرف ان ما ودكم احد يتجول فيها ..لأن ما خفى كان اعظم وربي هاذي الاشياء تهون عند الاشياء اللي ما قدرنا نصورها ..
ولكن من المسؤؤل هنا ؟؟ تعبنا واحنا نطارد تعبنا واحنا نتكلم اضيف هذي المشاركه الى المشاركات الثانيه ...
وبس النظام اللي يتشددون فيه على اللبس ان يكون الوان ساده الوان محدده حتى لاتدمج الالوان المسموحه ببعض < يكون ممنوع < هل يعقل ذلك؟؟
والجوال البلوتوث بدون كاميرا ممنوع نهائياً
واللتي تتطاول على موظفات الأمن سوف يتم فصلها ...
وهاكذا < يعني استخدام القوه من الموظفات مسموح بدون اي ردت فعل مننا !!

ما اقول الا حسبي الله ونعم الوكيل ..
سؤالي هو :::

من المـــــــــــــــــسؤؤل.. لا اريد ان اذكر أسماء الجهات اللتي قمنا بلاتصال معها ولكن بلا جدوى بلا جدوى ابداًًً
ولا حياة لمن تنادي ..
اتمنى ان توصل هذه الصور لمن بيده ان يحل معضلتنا ..

























منقول من ملتقى طلاب و طالبات جامعة الملك فيصل
رابط الموضوع الأصلي :