طبخة أبو ناريز ( حصرياً للرائدية )

[.. أبو ناريز !]

بسم الله

سيداتي وآنساتي ومداماتي وكل شي يرتبط بالأنوثة

السلام عليكم

قاعد أفرفر في رحاب المنتدى وطبيت عندكن هنيا في المطبخ وقلت يا ولد مابدهاش لازم نساعدهن ونعلمهن طبخة ما توخورش الميّه

المهم نبتدي يالله كل وحدة توقف وتبحلز بي وأنا أطبخ ولا وحدتن منكن تمد يدينها على شين ولا بالسكين ترى << شرير

المقادير:

مفتاح سطعش
خيارتين لاحدن يجيب أكثر من ثنتين
بهارات
خيشة سكر << لا يكون بتحطه مع الرز؟ ( أصبر لا تستعجل ياخي )
كيبورد لونه أسود
خاشوقة واحدة فقط
بصلتين << ترى ما يتحرش بالعنوز
كوسة
وبس << ترى يعني خلاص مو من ضمن المقادير هذي

طريقة الطبخ:

أولاً جيبي الصينية وحطي فيها موية وأغليها إلين تعض القاع وهمن عاد جيبي خيشة السكر وأرجدي الخيشة بوسط المويه وأهم شي لا تفكين الخيشة أرجديها هي وسكرها ( يالله لا تبلانا ) وأنتظري إلين تشمين ريحة حرق ووقتها طفي النار وجيبي الخاشوقة وحركي بها المويه والسكر وأنتظري خمس دقايق وهمن عاد حطي البهارات ومعها الخيارتين وأرجديهم وأتركي الطبخة لمدة عشر دقايق وهمن عاد فكي الصينية وشوفي إذا قلب لون المويه ولا لا .. إذا قلب لونها أركضي جيبي الكوسة وأحمسيها عل النار وحطيها مع الطبخة ولا تنسين البصلتين وحطيهم كلهم في الصينية وهمن عاد وش باقي أيه صح باقي مفتاح سطعش هذا المفتاح عشان تفتحين فيه الصينية لإن الطبخة تبي تحترق وتلزق بالصينية وبيصعب عليك تفكين الصينية

وقابليني إذا ما لحستي أصابعتس من ورى هالطبخة

الحقوق محفوظة لأبو ناريز رجاء خاص

أيه صح نسينا الكيبورد أبو لون أسود هذا سلمتس الله عشان تحطين فيه الطبخة وتقدمينها لأهلك

هنيئاً لمعدتكم أيها الرجال طبختي

يالله فتكو بعافية << بيفرك

الشيف / أبو ناريز