رد إدارة كلية العلوم والآداب للبنات بالخفجي على الشكاوي المقدمة من الطالبات

[الله يراني]

السلام عليكم ورحمة الله وبركاته

ادارة كليتي السابقة انا كنت طالبة عندكم
حقيقه فيه شغلات تصير بالكليه و بعلمكم مثلا اسعار الكافيتيريا مو مسؤليتي اني اكتب معروض و ارفعه او اني اوقف عند باب العميده عشان اشتكي كل الاسعار انتم تعرفونها و اتحدا اي وحده من منسوبات الكليه تنكر هذا الشي؟؟؟؟؟؟؟؟؟؟؟؟؟؟؟
المهم انا ماخلاني اكتب الرد الا شي واحد بط كبدي بط الا وهو مقابلة العميدة خلونا نجي ع جنب وكل طالبه تتكلم انااااا كنت اوقف بالحر و العجاج بالساعات عند المكتب حقها عشان شكوى او بس تخليص اوراق واذا احد عطف عليك وتنازل و فتح الباب يبدون ليش تبغينها وش عندك و مااااورانا الا انتوا وبالاويكم و (هذا مو مسؤليتنا) عاد ياحبهم للكلمه هذي و اتحدى اي طالبه ادخلت الكليه ماسمعت هذه الكلمه وطبعا مو بس الي بمكتب العميدة حتى رئيسة القسم تمووووووت علي هالكلمه حقيقا كنت انا و البنات الي بالدفعه انسميها (كليه مو مسؤليتنا)...
واذا بغيت اي استفسار من اي وحده بأي قسم اداري ترد عليك من طرف خشمها اذا حصل وردت عليك طبعا اذا كنتي تعرفين وحده اداريه امورك سهلااااااات...
شغله مره مهمه وخلتني أصيح أسبوع كامل .. لما جيت أترجم كشف الدرجات لتكميل دراسة الماجستير بالخارج ...قالو ماعندنا قسم لترجمه مع العلم أن كل كليه بالسعوديه لها قسم لترجمه مثل سعود والأمام ونوره ..
وهنا بدأ فيلم هندي مدته أسبوع أناقز من مكتب ترجمه بالرياض لمكتب ترجمه بالخفجي وفي النهايه يقولون كل المواد مكتوبه غلط والله اني تبهذلت بهذلت العالمين
ع العموم انا ماهمني مشاكل الزي و وقت الخروج لانو معاهم حق فيه مشاكل من طالبات كثير وعساهم ع القوة بس المهم التركيز ع المشاكل الأداريه و ترك الوسايط ومعاملة الطالبات معامله واحده