كل عضو كتب شي يعجني واتفق معاه جزئيا 00
الأخت ابتسامة الم اتفق معها في اغلب كلامها يعني في 99 .99% 0 لكني اختلف معك في نقطة تقليل الناهج الدراسية في السنه الواحده 00
احنا وش خرب اجيالنا الا هالتقليل ؟؟ الطفل في هالسن اقدر عالحفظ والاستيعاب 00
واتفق مع اخوي ابو رائد في جملة المدرسة من مديرها 100%0
وبربط سريع 00 انا اشوف المشكله في اثنين 00
البيت لان الأهل مايربون عيالهم على احترام المعلم او المعلمه وممكن يتكلمون عليه قدام الطفل او مو شرط الطفل الطالب بشكل عام وبكذا الطالب مايلقي للمعلم اي اهتمام اثناء الشرح 00 ولا يعمل له حساب ابدا 00
طول عمرها المدارس الحكوميه في الفصل 30 و40 طالب وكنا نعمل للمدرس او المدرسه الف حساب مو بس في المدرسه حتى برا 00 تربينا على انو من علمني حرفا صرت له عبدا فكنا نستفيد قد ما نقدر 00 وهم يوجهوننا كأنا عيالهم او اخوانهم 00
لكن التربية الحديثه اللي الأهالي الآن يتوقعون انهم يربونها وعشان ابني ما يتعقد او بنتي ماتتعقد صرنا نربيهم على انو مين يكون المعلم هذا ؟؟ وش دخله فيك انت حر وهو اصلا جايبينه الدوله عشان يدرسك وياخذ راتب وبس 00
طبيعي انقطع التواصل المطلوب بين المدرسين والطلبه وصار المدرس يقوول بقريح واحد مو مهتم وش دخلني فيه ؟؟
وفي الطرف الثاني بعض المدراء يشترون دماغهم من دوخة الأهالي ويقولون بقريح خله ياخذ الدرجات وفي ستين داهيه هو اللي متضرر 00
هنا اذا اجتمع القريح الأول مع القريح الثاني صار طالب فاشل 100 % 0
والمدرسه انتجت فرد غير متعلم 00 والبيت انتج فرد غير خلوق 00
والمتضرر في النهايه هو مجتمعنا في الوقت الحاضر 00 والجيل الجاي اللي بيكون هذا الطالب ابوه او مدرسه 00
طبعا هذي مجرد وجهة نظر 0
المواضيع المتشابهه
العرض العادي
