وش صار لك اليوم ؟

[دانة الكون]

السلام عليكم ورحمة الله وبركاته

حي الله رائدييننا كيفكم
ان شاء الله ان اموركم بالتمام

فكرة الموضوع نراجعها شوي سبحان الله جل من لايسهو

المكان هذا مفتوح لكم من بعد المغرب الى الفجر من طلعة النجمه همن يصكره شايبنا وهو رايح للصلاه

بتقولون وش نكتب ؟
طال عمركم اكتبوا كل شي صار لكم بهاليوم سالفه حصلت نستلمك ذب عليها وننتفك والا ننصحك ونمصع اذونك

فلذلك البساط احمدي واكتبوا سالفتكم ( مفرحه + تحوم الكبد + تضيق الصدر + تفشل )

بس كم ملاحظه مهمة ضروري تركزون عليها :

- الموضوع لابد يكون عن سالفه مهمه , حدث مهم , شيء غريب صار لك مهوب تجي/ ن تقول/ين لنا
اليوم كويت فستاني ونظفت المطبخ
لا اشوف احد فيكم جاي يكتب قمت من النوم واكلت تفرجت تلفزيون
لا الله يعافيكم
مهيب علوم ذي تسدحها هنا فأنتبه !

- مانلزم المشاركه معنا ان معك رتبة معينة
لا ابد حياك الله لو انت من اي لحيه كنت

- خلكم بعيدين جدا عن البثاره وتقلبون الموضوع
لانك ممكن تنشات انت وردك

- لا تدرعم واجد اكتفي بالردود

- رد ( شكرا + حتى انا كيذا + واااوز رهيب + يسلمووووووو + او تحط 1+ والا 100% .... الخ )
لوحه كبر خشم سعد ممنوعة بتاتاً البته

- لايصير موضوعنا كنه قناة بدايه وصار لي كذا وش اسوي

- قوانين المنتدى تنطبق على الموضوع واي تعدي مانقبل به فأحرص كل الحرص ان تلتزم


انطلقوا يحفظكم الباري واسدحوا لنا سواليفكم والله الله بالعلوم الزينه
> اشربوا لبن وانتم تردون