سواقين المشاوير الخاصة مسئووولية من؟

[عزيزة نفس]

هلا بك اختي اشكرك على طرح الموضوع


بس حسب ماانتي ذكرتي والله يديم عليك نعمته

عندك سايق خاص ومو محتاجه ..

لكن هالسواقين مالقو اقبال عليهم الا لان فيه ناس وحريم بالذات

محتاجين لمشاوير ومافي احد يوديهم فطبيعي انهم يلجئون لهم

يعني اذا كانت المرأه محتاجه مشوار للسوق او المستشفى

او الجمعيه وماعندها احد يوديها شتسوي ..؟؟؟؟

وخاصةً ان مافيه ليموزين ..

انا اشوف ان مافيها اي مشكله بالعكس تفيد بعض الناس

وبالنسبه لي الحمدلله عندي اخوي مايقصر ..

بس اشوف معاناة صديقاتي اللي ماعندهم اخوان ..

واساس المشكله هذي مو الحريم الرجال والاخوان المقصرين مع اهلهم واخواتهم ..

واعذروني عالاطاله ..

ومشكووره اختي عالطرح..

[انا ذهب]

مشكورة اختي عزيزة نفس
جبتيها من الاخر ....اساس المشكله ان الشباب والاخوان ما يرضون يودون اهلهم ويجيبونهم ( طبعا مو الكل)
واذا ودا طلعها من عيونهم ...واذا كان موظف مستحيل يجي على الموعد واكيد بنتاخر ...واذا كان مو موظف ما يودي الا بعد الويل ..لا وبمقابل غالبا ... وخلصوا بسرعة .. وعطلتوني(( الاخ الوزير)) وراي شغل ماني فاضي ((تعطلت شئون الدوله)) .. ولا اذا قال ... مواعد الربع (( اجتماع القمة)) والله المستعان بس ... الحل بالنسبه لي - - الله لا يحرمنا من سواق بو عشره - - عزالله بنضيع عقبهم ... الحين اذا سافر السواق الي متعامله معاه انحست وشلون اذا منعوه --الله لا يقوله

[فيصل44]

انا اتكلم من تجربة مع السواقين حسب كلامهم لي انا الارباح خيالية ولهم زبائن من الحريم لايعد ولا يحصي بعض الحريم هي التي تطلب سواق معين يقوم في جميع طلباتها من الخظار والمطعم والسوق كانة من العائلة وهي لاتعرفة ولاتعرف كفيلة وبفض السواقين يعرف اسرار الحريم والان انتشرت توصيل بعض الاخوان العرب صارت معهم باصات وهم بالاصل حلاقين وعمال مطاعم طول الحية وصار يوصل طلبات كلللللللللللام كثير بس احسن نسكت وكلها سلبية سلبية واشكر اختي فاعلة خير علي الموضوع والله يوفقك

[abohana]

السلام عليكم ورحمة الله وبركاته
اخواني اخواتي/انا عندي سايق ومسلمه باص طبعا متعامل معاه بنسبه
المشكله مو بالسا يق او بالسياره
المشكله بالركاب طبعا مو كلهم البعض ونسبه كبيره
اكثرهم مايبون الا السايق يوديهم لان اذا راحو للسوق لازم يمرون علئ كل المحلات سوق الذهب بعدين الوفاء بعدين الجناح الاخضر بعدين شارع 25 والحين لازم نشوف
الخفجي مول يعني اذا طلعو بعد صلا العشاء مايردون الئ
نص الليل يعني قليله فيه العشرين واهم شي ان السايق هندي يعني ياخذون راحتهن معاه ولو كان سعودي والله مايركبن معه لو بريال واحد يعني المشكله مالها حل وبعدين السواقين اذا دقت عليهم الزبونه علئ طول يحضر عنه وشيل لها الاكياس وينزل يعني خدمه خمس نجوم وبعدين فيه ناس عندهم دوامات يعني مايقدر يودي مدارس ويجيبهم ويروح مستشفئ ومشوار لرشيد وبعده للسوق

[الواصل2000]

الحل الوحيد و زارة المواصلات تسهل على السعودي فتح مكتب خدمات لهذا الغرض

و يكون فية مكتب مسؤل مسؤلية تامة لتقديم خدمات لجميع المشاوير الخاصة بلعوائل بسعر مناسب

و يكون سائق الموزين لدية هوكي تكوي لتواصل مع المكتب لمعرفة تواجد سيارة الموزين

و يكون لدية باص مريح لنقل بجانب الموزين

كذا نقضي على العمالة التي ليس لها امان و لا معروف من كفيلة كفيلة تحصلة برياض او جدة

[حياتي جده]

أنا أشرهه على

بعض الرحاجيل تحصله جالس بالبيت ما عنده لا شغله ولا عمله ويخلي أهله يروحو مع السواق

ياخوي كلكم راع وكلكم مسؤل عن رعيته الله يهديك,,

هذا غير منطقي تطلع وحدها مع السائق ليه مو رجال قالو هندي مسكين طيب رجال

[اعلامية]

والي مغترب ماعنده احد ماالعمل

[نودة]

بسم الله الرحمن الرحيم


أستغرب من ردود الإخوان اللي تكلموا بحسن نية
و مافهموا قصدك من طرح الموضوع

طيب يوم أنك مهتمة في مصلحة الحريم وخايفة على قريشاتهم
ماعطيتيهم حل إذا ماعاد فيه سواقين وش يسون .... تدرين ليش ؟؟
لان عندك عويلك وزوجك وسواقك الخاص على قولتك ومافكرتي بالأرامل والمطلقات
اللي ينحدون على سيارات قديمة ومو مكيفة عشان يقضون أغراضهم وإحتياجاتهم ..

مشكورة على إحساسك بالآآآآآخرين
والله يعطيك على نيتك يافاعلة خير

[فاعلة خير]

مشكوووووررررر
نايف عايد
على تعليقك الجميل ومداخلتك الرائعة
وفعلا هم هؤلاء العمالة الحصول على المادة فقط
يعطيك العاااااااااااافية

[فاعلة خير]

مشكوووووررررر
سعود الخفجي
على تعليقك الجميل ومداخلتك الرائعة
وصدقت فيما قلت لكن نقول بعض العمالة (بعض) العمالة الأجنيبة وليس الكل سبب الخراب والمشاكل الكثيرة والواقع يشهد
يعطيك العاااااااااااافية