حنيتك راحت لوين وشفيك ماتشتاق لي

[دانة الكون]

علمني الوقت
اعبر فوق جرحي واتبسم
وابن ادم
لولا عشرته ماتعلم
لو تصير دموعك
نهر جاري .. نهر جاري
وبقت كلمه اقولها وبس
انا اليوم غير الامس

في مكان ابعيد عن كل ابطال رواايتي ..يدخل بطل جديد


.................:اسمعني وربي راح اخليه يندم .. يبولي اخته او زوجته ..راح انخليهم رهينه عندنا ليحد مايسدد الي عليه من دين

...............:حاظر طال عمرك

.......................


في بيت جسار

وشنو الي يمنعج؟؟
نور وهي تبجي:الي يمنعني اني حتى دراسه الثانويه ماكملتها ..ولااقدر ابني مستقبلي

نسرين بكل حنيه:لا تقدرين..انتتي الي حطيتي حاجز بينج وبين الناس..انتتي الي منعتي روحج من العمليه ..انتي االي مانعه نفسج من كل شي

نور:بس انا ماا

نسرين وهي قاطعها وبصرامه:تقدرين..وراح اتسوين العمليه وتنجحين وتبدين حياه يديده

نور:....................

نسرين:فكري حبيبتي هذي مستقبل ..وانتي اموقفه مستقبلج وحياتج..والله مايبلي انسان الا لانه يحبه..ويختبر مدى صبره خلج مؤمنه بالله

نور بكل ايمان:ونعم بالله

قطع عليهم حديثهم صوت الباب

نسرين:تفضل

الخادمه:ماما تحتت في ريال يبي انتي

نسرين بكل استغراب:ريال يبيني

نور:روحي جوفي يمكن عمج

نسرين:أي والله يمكن عمي..والله اني مفتشله منه حتى ععرسه ماحضرته

نور وهي تبتسم :روحي له اكيد ولهان عليج

نسرين وهي اتبوس نور:مااراح اتاخر عليج ياقمر

نور ابتتسمت لنسرين..ابتسامه اتعبر فيها عن مدى شكرها لهل انسانه الي خلصتتها من عزلتها

...............................

عند نسرين الي ااطلعت من غرفه نور وهي تركض فرحاانه لوجود عمها واحد من اهلها في هل بيت

وبكل فرح انزلت من الدرج وجافت عمها وتقدمتت منه وضمته وهو باسها بخدها:شخبارج حبيبتي

نسرين:الحمد الله بالف صحه وعافيه ..الف الف مبوك وعقبال مانجوف اعيالكم

وقربت من جواهر وباستها وباركتت لها وهي مستغربه حست انه البنت مضايقه وتبي تبجي اقعدت نسرين بالكرسي لمجابل عمها وجواهر

نسرين وهي تحاول تاقلم جواهر معاها:شخبارج حبيبتي
جواهر وهي مستغربه ابتسامه نسرين..لها توقعت انه نسرين راح تصرخ عليها ااو أي شي من ذا القبيل لانها تزوجت زوجها..لكن الي اجوفه فرح بعيونها

محمد حس فيها انهاا ساهيه وضغط ععلى يدها..جواهر الي حست عليه:انـــــــــأ الحمد الله بخير

نسرين بكل طيبه:دوم انشاء الله حبيبتي

وبعد االسؤالف مع عمها والتطمن على الحال
ااستاذنت نسرين وراحتت جناحها..

نسرين بكل هدوء:جسار

جسار التفت لي مصدر الصوت :هلا

نسرين:عمي تحت.. وامس زواجه..ياريت اتبارك له اهو راح يسافر احين

جسار وهو مستغرب: ليش ماقلتي لي من قبل

نسرين وهي ماودها تكلمه وبسلوب لامبالاه:انت كنت امسافر وتتلفونك امسكر..اضن ماكان في فرصه اخبرك فيهاا

جسار الي تتنرفز من اسلوبها وقرب منها ومسك كتفها وضغط عليه وبكل هدوء:تكلمي بأدب فاهمه

نسرين بنضره تحدي ولانزلت عينها عنه ..بعدت يده بكل قرف وطلعت من الجناح وراحت عند عمها..وخلت جسار منصدم منها ومقهور من تغيرها

محمد وهو فاهم الي يدور في راس جواهر لكنه ساكت عنها..نسرين الي استغلت غيااب نسرين:هاي زوجتك مالت عليها انا اجمل منها

محمد مسكها من يدها وضغط عليها :احترمي الفاظج طيب؟؟

جواهر:طبعا اتخاف على مشاعر الكريهه

محمد الي اشتغل لعناد عنده وحب يكسرها:والله اهي اجمل منج لكن الغيره ذابحتج

جواهر بكل اعناد:انا اجمل

محمد في قلبه وربي اانج قمر:لاتحاولين توصلين لمستوى جمالها

قطعت نسرين حديثهم: انا استاذن..باخذ جواهر لانه جسار راح يجي لك

محمد: اخذي رااحتج

قامت جواهر حق نسرين وهي تطالعها بنضرات قهر..لانه نسرين جميله بمعنى الكلمه..وجواهر بمستوى جمال نسرين

نسرين :تفضلي حبيبتي

جواهر:زاد فضلج

نسرين ببتسامه حلوه:انشاء الله مرتاحه مع عمي

جواهر بكل استغراب:عمج

نسرين مسكينه على نياتها:ترى عمي مره حبوب وتقدرين تكسبينه بطيبتج


جواهر الي افهمت الموضوع وحقدت على محمد من تصرفه وستحت من نفسها على طريقه معاملتتها حق نسرين: اانشاء الله

نسرين: جواهر حبيبتي ..عمي من النوع الي مايحب احد يتتدخل في خصوصياته..ولايعانده ..وانتي لازم تتفهمينه علشاان تكسبينه تراه طيب..وهو مايحب أي احد يفرض سيطرته عليه وخصوصا من مره

جواهر الي استغربت من كلام نسرين وعرفت اانه محمد مايحب لختلاط مع االجنس الناعم..ويعتقد انهم يفرضون السيطره عليه..وهو الي يحب انه شخصيته تكون قياديه وتكون جاده ومايدخل فيها المزح
ومايحب البنت الي تسيطر علىى مشاعر الرجل

ماقدرت الا انها تبتسم ..ونسرين بادلتتها الابتسامه

عند جسار ومحمد

بعد السوالف والتهاني لزواج محمد ..

محمد:يالله اناا استاذن باقي سااعتين على الطياره باروح ازور الوالده

جسار:تشرفونا في أي وكت البيت بيتكم

محمد:تسلم مااعليك زود
وانسحب جسار عشان اتيي زوجته
اتصل محمد لنسرين وطلب منها تنادي جواهر

نسرين:والله اني فرحت معاكم ولاتقطعونا..وانشاء الله ترجعون بالسلامه

محمد :انشاء الله ..وتحملي ابنفسج ..وزوري امي وغيري من نفسيتها ..تراهي مالها غيرج من بعد الله
واول ماارد راح اكلمج بموضوع يخصج

نسرين بكل استغراب وماعطت الموضوع اهميه:هذي امي مااتوصيني فيها..لكن هالله هالله ابعروستنا

محمد طالع جواهر وبتسم: امنتج الله

نسرين دمعت اعيونها: بحفظ الله يا الغالي

وبعد ربع ساعه من الهدوء
..........:ليش لدموع

نسرين امسحت دموعهاا وهي متجاهله كلامه وقامت بتروح الغرفه لكنه مسكهاامن خصرها وقعدها بحضنه وبكل همس:توني ادري انه عمج غالي عندج ابهل درجه

نسرين وهي مضايقه وحبه تنفرد مع نفسها:جسار لو سمحت ممكن تتركني

جسار بهدوء فك يده من خصرها ومسح ادموعها بطرف صبعه:ممكن لكن هذي لدموع مابي اجوفها

نسرين اسكتت وقامت من حضنه..

جسار:نسرين تجهزي راح نطلع انا وانتي

نسرين وهي متفاجئه لكن مزاجها مو مال طلعه:شكرا بس اانا تعبانه اجلها وكت ثاني

جسار وهو متوجه للدرج:انا ماخذيت رايج ..انا قلت تجهزي

نسرين انقهرت منه وقعدت على الكنب بكل ضيق وملل

...................

[دانة الكون]

ما عليه
ما عليه .. ما عليه .. ماكو شي يبقى على ماهو عليه
ما عليه .. ما عليه .. الهوا دوار ومن يقدر عليه
حب يبقى وحب يروح
حب فرحة وحب جروح
لا لا تشتكي أو تنوح أو تقول الحب ضاع
إترك الماضي وراك وإلي من قربي خذاك
والله يا عمري وغلاك مالي غير حبك شراع
ما عليه .. ما عليه .. ماكو شي يبقى على ماهو عليه
***
ما عليه .. ما عليه .. ماكو شي يبقى على ماهو عليه
يا حبيبي لا تختاف ومهما طال الوقت وطاف
ولو كبر فينا الخلاف أو تعرضنا لخداع
حبي لك يبقى كبير .. لو يصير إلي بيصير
ما يجف نبع الغدير طول ما احنا باقتناع
ما عليه .. ما عليه .. ماكو شي يبقى على ماهو عليه
***
ما عليه .. ما عليه .. ماكو شي يبقى على ماهو عليه
المسافة لو تطول آخر الرحلة وصول
كل ظرف له حلول .. لا تقرر باندفاع
طول ما قلبي معاك وعيني ما تناظر سواك
دنيتي كلها معاك .. لا تفكر بالوداع
ما عليه .. ما عليه .. ماكو شي يبقى على ماهو عليهقعدت من النوم وستغربت المكان الي اهي فيه..ورت بباالهاا احداث اامس ..وشعرت بااخجل وهي بين احضانه

حاولت تخلص نفسها بهدوء..لكنه حس فيها وضمها ااكثر لصدره
وبكل حب وصوت مليان نوم:صباح الحب ..ياقلبي

العنود الي ااستحت حيل وبصوت اقرب للهمس من خجلهاا:صباح النور

عبدالرحمن باسها اخدودها لمورده من الخجل بقوه ..الععنود اتحس انهاا بتموت بين احضانه وشردت وعلى طول الحمام

عند عبد الرحمن الي ابتتسم على حب حياته وتمنى انه االسعاده تحيطهم دوم..واخذ له ملابس وراح الحمام الثاني بالغرفه

عند االعنود خذت لها شااور..واول مره تحس بنتعاش وحيويه ..وبعد االشاور ..لبست لها فستاان ناعم سكري برز بياض بشرتها وحطت حمره شفايف توتيه وستشورت شعرها وحطت مسكره زادت كثافت ارموشها

ومن سعادتهاا غنت ابصوتها الي فيه بحه مميزه:

عسى ربّي يخليك لعيوني..وعسى ربّي يخليني لعيونك

حبيبي دنيتك صعبه بدوني ولاشي دنيتي تسوى بدونك

قاطعها عبد الرحمن وهو يضمها لصدره:
أنا مغرم يا غالي فيك ..وأدعي ربّي يخليك

اذا بعدت عني يجن جنوني..لانك صرت اغلى من عيوني


العنود استحت منه ومااتوقعت دخوله ونزلت راسها ..حس فيها عبدالرحمن وعلى طول رفع راسهاا بطراف ااصابعه ولتقت اععيونهم ..وهي كافيه عشان تبين مدى حبهم ..قرب عبدالرحمن منها وبااسها بكل شغف وتملك وهي مستسلمه له..وماقااوم رغبته

ويووووووووم حلو للحلوين^_^

.................................................. .............

[دانة الكون]

....................:ليش ماقلت لي انك عمها

محمد وهو يلتفت عليها وبكل بروده اعصاب: ماحسيت انه ضروري

جواهر الي عصبت منه : انت ليش بارد جذيه حرقت لي دمي

محمد بكل هدوء وهو من دااخله مستانس على تنرفزها: لانه كيفي ..ومااني مجبور اشرح لج

جواهر بكل طفوله : تدري انك اناني وشرير

محمد الي عوره راسه من حنتها:خلاص يا البزر تراني مو ناقص حنتج

جواهر وهي تمد شفايفها شبر :خلاص عاد مايصير جذي بجد ملل

محمد وهو مستانس من الداخل عليها وبكل اعناد:احسن

دخل محمد بيت امه..وسلم عليها اهو وجواهر وتوجه للمطار

محمد وهو طفر منها:وربي لو ماسكتي راح اذبحج تراج طفرتيني

جواهر :انت ملووووووول

محمد :كرميني بسكوتج

جواهر بعناد:مابي مابي مابي مابي

محمد بصرخه سكتت جواهر: تتراني جد مومستحملج ..بجد ياهل مادري اشلون بسافر وياج

جواهر الي خافت منه ونزلت ادموعها ..ولتتفت لصوب النافذه وجاافت الناس وتمنت لو ترجع لراشد الي كاان يدلعها ومايرفض لها طلب

محمد حس انه تنرفزه مااله داعي وخصوصا انها في ثاني يوم من زواجه وهي صغيره محتاجه الاهتمام والعطف ومايصير يعاملها ابهل معامله مهما كان اهي زوجته ولها احقوق عليه

نزل من السيااره وحمل الشنط وتوجه بكل صمت مع جواهر للطياره

في الطياره

محمد حس فيها انها مضايقه منه ومبين من اععيونها الي انقلب لونها للاحمر مسك يدها وبكل اسف مابينه لها:ماكان قصدي اني اضايقج

جواهر :لارد
محمد ضغغط على يده:لما اكلمج تردين فاهمه؟؟

جواهر..بكل الم وتعب:محمد بليز خلاص وربي ماراح اتكلم ..ولا اععصبك ارتحت

محمد الي تضايق ازيااده من كلامها:اهو ماكان قصده انه يجرحها
لكنه ماقدر يتحمل حنتتها

ماقدر غير انه يميل راسها على كتفه ويحاوطها بيده وهي مامنعته ونزلت ادموعها بكل هدوء

............................................

[دانة الكون]

ياسنين عمري كفايه حزن ياسنينــــي خلاص راح الذي يستــــاهل احـــــزانك
لمي جروحــك وكفي الدمـع ياعينـــي ردي لزهــرة حيــاتي باقـــــي الــــوانك
وش ذكرك بالهـــوى الي كان ناسيني والحـــزن ليه هوبدا في يـــووم عنـوانك
وش ذكـــرك باليـــالي الــي تبكينـــي والجـرح الاول والصوت نايب الحـــانك
ياسنين كفــــي عن الذكـــرى وخليني ماعدت انااقـــوى على حزنك واشجاـنك
ماتـحمل اكثر من الـــي بينك وبينـــي جفت عــروقي وانـــا اصبر على شـانك
حاولت اداري الحزن الي عايش فيني واحاول اضحك غصب في وجه خلانك
لكن حــــزن الليالي بان في عينــــــي واقول ياسنيـــــن هذي اخــر احــــزانك



....................:شخبارج يابنتي انشاء الله بخير

شيخه:..................

ام شيخه ودموعها تنزل:مايصير جذي وانه امج..صار لج يومين وانتي مو متكلمه ..على الاقل يابنتي اكلي ..حرام والله انه قلبي يتتقطع عليج
شيخه...................

ام شيخه بكل استتسلام اتركت الاكل وضهرت من الغرفه
مو امصدقه انه بنتها الي كانتت تملي لها البيت بالفرحه صارت حاابسه نفسها وضعفت والهالات السوده تحت اعيونها ..ومنضرها يالم القلب

ام شيخه:يابو شيخه حرام الي يصير ببنتي

ابو شيخه بكل صرامه:انا عطيت الولد كلمه وماراح اغيرها

ام شيخه:وربي لو يصير في بنتي شي مارااح اسامحك ..حسبي الله ونعم الوكيل

........................................


اشصار على البنت الي قلت لكم عنها

...........:طال عمرك انشغلنا بالصفقه الي صارت واجلنا الموضوع

........بكل عصبيه:ابيها باجر جدام عيوني لا اذبحكم مكانها
؟!!@!@!@!@!@!@!@!@!@

[دانة الكون]

البارت الثالث عشر


خلاص ببعد عنك خلاص ابرحل
خلاص ماجاءالقلب منك يكفيه
حب من طرف واحد لابد يذبل
وشلون وردي يعيش من دون ساقيه
يالي وصالك مر هجرانك أجمل
ان قلت احبك قلت ها الحب ماأبيه
القلب قال الي من اول تحول
منت هذاك الي انا كنت أغليه
لا تظن انا في يوم منك ابزعل
لاصرت قلبي خاينه وأنت غاليه
الحين ابرحل عنك وبعد ولاأسأل
قلبي تعب من قلب مات الغلا فيه





عند نسرين توجهت غرفتها واخذت عبايتها..وهي مضايقه وماتبي تطلع ..وخصوصا معاه

جسار قرب منها ومسك يدها .. وتوجه للسياره ..وفتح لهاا الباب ..وهي اركبت وهي مستغربه من الي يسويه

ركب جسار السياره ..وتوجه لي افخم المطاعم ..وهو ابداخله حاب يفهمها ..كل حياته ..وماضيه

نزل من السياره وتوجه لها ومسك يدها بكل تملك..وهي من داخلها خايفه منه .. ومن هدوئه الي بنسبه لها بركان خامد وفي أي لحظه ممكن ينفجر

دخلت المطعم وهي متفاجئه من فخامته والجو الي بداخله الي ينشر الهدوء ..والراحه النفسيه

سحب جسار الكرسي وجلسها عليه ,, وجلس بالكرسي الي مقابلها
وبكل هدوء مد يده ومسك ابيدها وهي حست ابرعشه من يده الدافيه ويدها البارده ..رفعت راسها وناضرت ابعينه الي تعشقها اعيونه النااعسه.. الحاده ابنضرتها ..تنسيها االدنيا ومافيها
حس فيها شارده الذهن وضغط على يدها بخفه وعيونه مو شايله عينه عنها ..يحس روحه غرقان

جسار بكل هدوء صدر منه: انا يبتج اهنيه ..اول شي عشاان اكلمج عني ..وعن ماضيي قبل ماتزوجك ..واني ابي نبتدي صفحه يديده ..مايكون فيها غيرنا

نسرين قلبها صار يرجف ماتدري ليش اهي خايفه من كلامه ..حس بيدها ترتجف وضغط عليها بقوه ..عشان يحسسها بالامان

جسار وهو امعلق اعيونه بعيونها : نسرين انا من بعد وفات اابوي واختي ..وحياتي كلهاا متغيره.. صاارتت دنيتي كلها امي وأختي نور..عشت حياتي كلها وانا احاول احافظ على حلالي وحلال اامي وختي وماخذيتت ااي حنان وعطف من احد و..وبعد فتره سافرت اكمل دراستي ..وبكل الم مابينه حق نسرين ..ضغط على يدها وهو متوتر ومو عارف رده فعلها من الي بيقوله
تتعرفت على بنت وحبيتها.. وعطتني كل الحنان والاهتمام الي فقدته من امي وابوي ..وتفقت معاها على انه يكون زواجنا بعد الاامتحانات..لكن صار لها حادث وتوفــــت

نسرين الي نزلت ادموعها ..معنها كانت تدري ابسالفت حبه..لكن ماتدري ليش.. اعترافه لها خلاها تشعر بالخوف والحزن ..وحست من كلامه انه بعد في اشياء ماتعرفها عنه..ضغطت علىى يده وبكل االم: كمـــــل

جسار الي ماخفت عليه ادموعها رفع يده ومسحها لها

جسار وهو يكمل: وبهل شهر يوم سافرت جافيـــــــ

قطع عليه حديثه

صوت النادل

وهو يسألهم عن طلباتهم(العشاْء)

............................

[دانة الكون]

وصمت بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه







اعلنت الطياره وصولها للندن مدينه الضاااب


.............: جواهر جوااهر..يالله قومي

فتحت علينها ببطئ وهي ااتحس اباالم ابراااسها..ومجرد ماجافته وتذكرتت احدااث امس .. يدخل في قلبهاا الخوف
قامت وهي اتحس روحها انهاا راح تطيح

حس فيها وضغط على يدهااا..وهو من داخله متندم انه صرخ عليهاا

نزلتت من الطياره وحست ابروده ...غير طبيعيه
:بــــــــرد

محمد انتبه لي لبسها ..وعلى طول خذ الجاكيت الي ابيده ولبسها ااياه

مسك يدها وتوجو الى الفندق
واول ماوصلو على طول راح محمد ينام..وعند جوااهر الي شبعانه نوم من الطياره ..اخذت لها شاور ..وراحت عند االنافذه وجافت النااس ..االي يلعب مع اطفااله ..وععشاق مغرمين باالحب
والمطر ينزل عليهم ..والفرحه تملي قلوبهم

لفت نضرهاا ياهل يبجي في نص االشارع... ومن خوفها عليه اطلعتت من الغرفه اابسرعه ومن الفندق وهي مافي بالها غير الطفل الي خايفه تصدمه أي سياره تمر

اركضت ابكل سرعه عندها وهي اجوف سياره مسرعه في االطريق وبعدت الطفل وحمدت الله انه مادعمها معاه

ظل الطفل يبجي من الروع الي صاده

وجواهر مو عارفه اشلون ااتسكته..وملاابسهم متتبلله من المطر


جواهر الي حاولت تسكته وتكسبه: بيبي شنو اسمك

االطفل وقف اصياح و طالعها بنظره استتغراب من كلامها ومو فاهم شي من ااالي تتقوله .. ومن طريقتها في الكلام

جواهر الي استانست عليه..وعلى اعيونه الخضر وشعره لشقر باسته بقوه في خده وبتسمت له

طفل رد لها الابتسامه

جواهر في قلبها.. احين اشلون اعرف هله..انا بروحي مادل شي اهني

بعد مده من ااالهدوء والتوتر اجلست مع االطفل ععلى الكرسي ومبين من الطفل انه ارتاح لهاا ونام ابحظنها

جواهر توهقت اكثر .. وهي ناسيه تماما محمد ..وخايفه من الطفل يمرض

بعد نصف ساعه ااسمعت صوت ام تبجي وتصرخ بصوت ععالي باين فيه نبره الضيق والحزن

:جووووني

((بابتدي بالترجمه..طبعاا اللغه غير))


...........:جووووني

جواهر حستت من صياح الام واصراخها انها تدور على الطفل الي بين ادينها..وعلى طول قامت من الكرسي وتوجهت لها وبسلوب غجري بالتعامل

جواهر: هي هذي ولدج اخذيه؟؟
<< اخس يا اللغه>>


المره وقفت عن لصياح وهي ااجوف ابنها بحضان جواهر ..وعلى طول اخذته منها وبكت من خوفها على طفلها

وجواهر ابتسمت عليهم ومشت ..الحقتها البنت
: عزيزتي.. اناا اشكرك ..على مساعدتك لي..اانك حقا فتات عظيمه

جواهر الي مافهمت شي وكتفت انها تبتسم لها وصافحتتها وتبعدت عنها

عند جواهر ..الي صارت ادور على االفندق ..وتعبت ..وهي اجوف كل المباني نفس الشي وهي مو حافظه اسم الفندق ولا مكانه ضبط..وعلى طول انزلت ادموعها تقريبا صار لها خمس سااعاات وهي مو في الفندق ..والجو صاار بارد والمطر ينزل اجلستعلى كرسي مضلل عن المطر ودموعهاا على اخدودها من الخوف

وزاد رعبها يوم جافت شباب سكاره ..ويتمايلون في مشيتهم
خافت وتمنت انها ماطلعت من الفندق
اركضت وهي خاايفه منهم وحست باحد يلاحقهاا وزاادت بجي

...........................
عند محمد قعد من النوم ..وخذ له شاور ..وهو حاط بباله انها في الصاله

لبس ملابسه وتوجه للصاله ..وستغرب من الهدوء المفاجئ ..راح المطبخ ونفس ااالشي لا وجود لهاا

انقبض قلبه ورااح الغرفه الثانيه..ويتمنى انه ظنه مايخيب..ولكن للاسف لا اثر لها

طلع من الفندق مثل المينون وهو يدور عليها ..لكن لا اثر
صارت الوساوس اتلاحق محمد..معقوله فيها شي ..يمكن احد يلاحقها..يمكن احد يئذيها

ابعد كل الوساوس عنه وهو كل همه انه يلاقيها ماايبي من الدنيا شي غير اانه يجوفها بخير وبين ادينه..معقوله صارت اتهمه وصارت جزئ من حياته؟؟



.......................................

[دانة الكون]

.............:انا ماادرش اعيش امعاك..وبنتك هذي انا مابيها

ابو نسرين وهو منصدم..معقوله راح تتخلى عنه وهو الي كتب لها حلاله ..بسمها..وعدتته انه ماتخليه

قرب منها وصفعها: يا الحقيره ياالنذله انا الي وثقت فيج وامنتج على حلالي جذي اجازيني

......بعدم لامبالاه: انا بعز شبابي ..واخذتك لانك ختيار(عيوز)وبدي حلالك..والبنت الي جبتها منك انا مابيها
وانا راح اروح لحبيبي رامي

اابو نسرين ماقدر يتحمل ضغطها عليه وقرب منها ونهال عليها ظرب..اهو ترك بنته..وماهتم فيها ..واحين الله عاقبه بزوجته الثانيه

قربت منهم بنتهم رغد وهي خايفه منهم ومسكت ابوهاا من ثوبه:بابا..بابا ونزلت ادموعها ..بابا ودخلت في نوبه بكاء

اابونسرين من اعصابه الثاايره مو قادر يركز بلي حواليه..وانتبه لصوتت بنته الي يدل على الخوف وحملها بين ادينه ..خلاص يا روح بابا هدي

رغد وهي تمسح ادموعها:ليث انت بتدلب ماما,,(ليش انت بتظرب ماما))

ابو نسرين وانزلت منه دمعه لظلمه لبنته الثانيه :هذي مو ماما..اناا بوديج حق ماماا

ودخل الغرفه مع بنته واخذ لها وله ملابس ..وهو تارك زوجته مغمى عليها والدم نازل من انفها..واخذ شنطه وتوجه مع بنته لاقرب مطار


...................................






يصد من الخجل لحظة و أنا وقتي معاه لحظات

و على هالحال لا ناظرت يمه زاد صداتـــــــــه

حياوي كلما حطيت كفي في كفوفه مــــــــات

من الرهبة ولا أسمع من كلامه كود همساته

يجنني يلوعني إلي منه ضحك بسكــــــــــــات

و إلي منه رسم كل الغرام بضحكة شفاتـــــه

أحبه موت و أيامي بدونه ما بها لـــــــــــــــذات

أموت أموت و أحيا فيه و بشوفه و جياتــــــــه

أنا مالي رجا دونه و لو عشت الهوى حسـرات
ملك كل المشاعر جعلها فدوة لمرضاته.......

اقعدت من النوم ..وتذكرت احداث امس وصبغ ويها الوان وعلى طول فكت نفسهاا بخفه وبعدت عنه ودخلت واخذت لها شاور
ولبست لا فستاان نااعم وتعطرت وطلعت

عند عبدالرحمن الي قام وماجافها ..وععرف انها اقعدت قبله
وتفاجئ ابدخولها وحس نفسه بيتهور مره ثانيه

عل طول قام وقرب منهاا وحوطها بخصرها وهمس بذنهاا:صباحيه حلوه ياقلبي

العنود تعــــــــــالو دورو ويها من لحراج
ومادرت انها زادتت االجرعه عند عبد الرحمن

عبد الرحمن بهيام:اموت اناا ياقلبي ..وربي احس اني راح اتهور من الصبح

العنود الي ولعت نار وتحس انها موقادره تستحمل..بعدت ادينه وحاولت تشرد
لكنه مسكهاا :على وين ياقلبي

العنود وهي مرتبكه نزلت راسها وماتكلمت: رفع راسها بكل خفه ..وباسها بكل هدوء وضمها :ربي لايحرمني منج

العنود بقلبها ولامنك

عبدالرحمن: حبي تجهزي عشان نفطر برع..وبعدهاا رااح انروح المجمع

العنود : طيب
.....................................

[دانة الكون]

بسألك يا وقتي ليه خنت الوفا
كل بحر في عيني غدر ٍ تغرفه

ما بقى لي شي ضاوي ما انطفى
وذبلت الاوراق وهدتني الفصول
وانتهى وما عاد يأثر في ذبول
والعواصف عمرها لا ما تهاب العاصفه

اشكي لمن ..؟؟
اشكي لمن .. ؟؟


......:يابنتي الله يخليج تجهزي ..خلاص ماباقي على االملكه شي

شيخه :لارد

طلعت امها من الغرفه وهي مضايقه ..وحزنانه..ابحياتتها ماجافتت بنتها المرحه ..االمغروره ..الي تكسر الناس من كلمتها..مكسوره ابهل شكل

ابو شيخه وهو يتصنعع عدم المبالاه: تكلمت بنتج ؟؟

ام شيخه بكل حده:وين تتكلم وابوهـا ..خلني ساكته ااحسن

ابو شيخه :عدلي ااسلوبج يامره لاتجوفين الي ماايرضيج..وبنتج ملكتها بعد يومين الريال رتب اوضاعه وانا قلت اانه ماعندي مانع

ام شيخه حطت يدها علىى قلبها وشهقتت.. في البدايه قال شهر وبنتها طاحت بالمستشفى والحين بعد يومين اشلون راح تخبر بنتها

.......................................



قلبي متعاهد وصعب اخون ميثاقه



طال عمرك انا امراقب البيت وامبين انه البيت مافيه احد

......بكل عصبيه: ابي اتيبون لي رهينه وماتهمني من اتكون ..بسرعه لااني راح اسافر وراح ااخذها معاي

............:حاظر طال عمرك

وتسلقو جدران االبيت وتسللو بكل هدوء ..ودخلو غرفه غرفه ..ليحدماوصلوغرفه بطلتي نــــــور

ودخلو وكانت الغرفه باارده ..ومبين انه البنت نايمه ..حملها بكل هدوء وتوجه بها خارج البيت وركبها السياره وعلى طول اتجاه طياره (....المجول)الخاصه


وبعد مرور دقايق والطائره في الجو

......:البنت صحت طال عمرك

..........:يب لي الابره..متاكد انها البنت المطلوبه

......:أي طال عمرك..والبنت اتتصيح ومو راضيه تسكت


...........:وهو يحقن نفسه بالابره
راح اجوفها ..وربي لاخليك تندم ياجسار وعطيك من الالم الي مليته قلبي وقلب اختي


دخل عليها وهو لو وده يذبحهاا..ويوم رفع راسه بلم في مكانه هذي بنت ولا ملاك نازل من السماء له؟؟

وقف مده وهو مو قادر يتحرك.. وهو يجوف انوثتها الصاارخه بوجهه..قرب منها وهو مخدر ومايسمع غير صوتت انينها
والـــــــي اصدمه اكثر ..انها مو البنت المطلوبه
البنت الي كان يبيها صورتها غير..وملامحها عاديه
لكن البنت الي جدامه غير

طلع وهو معصب من هل خطئ الي صار ..وقرب من الحراس .وعطاه بكس على ويهه:انتو اشلون اتيبون لي هذي البنت
انتو ماجفتو الصوره الي عطيتكم اايااها..

..........:مسامحه طويل العمر..لكنك انت عطيتناا الاسم الي هو جسار عبدالله ال(......)

...........:يا الغبي اظاهر انه تشاابه اسماء

...........:ولاايهمك طويل العمر ..احين نقتلها ولا احد راح يدري عنها

...........:وربي لو عدت كلامك لا اقتتلك بدالها

.......:مسامحه طويل االعمر

..........:اكرمني ابسكوتك..وخلني اجوف البلوه الي حطيتوني فيها

دخل الغرفه مره ثاانيه ..ونكسر قلبه على بجيها..وتذكر اخته وعلى طول قرب منهااا وحضنها وبكل هدوء:خلاص هدي صدقيني رااح ارجعج مثل ما انتي احين ولا احد راح يقرب منج


اهي من خوفهاا ادفعته على طول وضلت تمشي وهي مو عارفه طريجها ..تمشي وترد تترجع على وره وترد اجدم وتمد يدهاعلى جدام ومافي غير كلمه وحده ترددها ودموعها تنزل من محجر اعيونها:بعدو عني

الين مشت على جدام وكان جدامها كرسي وكانت بطيح ومسكها وبداخله قلبه يخفق وهو مصدووووم معقوله هل بنت الملاك الي جافها تكون عميه وماتجوف خجل من نفسه على تتصرفه وحزن على انه يعذبها اكثر من ماهي متعذبه..قربها منه وضمها اابقوه وهو يحاول يهديها :وعد مني اني اردج لهلج سالمه بس تكفين هدي..وربي محد راح يقرب منج

نور بصوت مبحوح خدر منصور: ابي ارجع حق جسار .. رجعني حق جسار

منصور:انتي هدي وصدقيني راح ارجعج..انا وعدتك وانا عند وعدي

من تعبها اغمى عليها بين يدين منصور
.......................................


!!!!!!!!!!!!!!!!!!!!!!!!!!!!!!!!!!!!!!!!

[دانة الكون]

البارت الرابع عشر

(كثر ماموت في قربه اموت في لحظه افراقه)


مو قادر احب انسان ثاني صرت ماشوف لان حبك عماني
غرامك بقلبي واحاول اخبي

احبك ياغالي وانا ماهو ذنبي
حبك بلوى فيه الله بلاني
احس معاي بخظوة تمشي مو بس قلبي

ماخذ انت كلشي
بكيت بغيابك ياعمري ياروحي تعبت ببعادك وزادت جروحي

لان كل
لحظة في فركاك اعاني





.................................................. ................................

جسار وهو يبوس ايدينها: مستعده ياعمري ..نبدي بدايه يديده ونمحي الماضي



نسرين وهي منحرجه منه.. هزتت راسها بالموافقه

جسار الي مستانس على خجلها وبكل هدوء:بس انا ابي اسمعها منج !!



نسرين نزلت راسها .. ويها قالب الوان وبصوت مرتجف:انا موافقه



جسار : باس يدها مره ثانيه .. وتوجه دفع احساب المطعم ..ومسك يدها وهو من داخله فرحان ابحياته اليديده الي ابتدت من هل ثانيه وفي قلبه ناوي يعوضها على كل الي فات



نسرين ..اول مره تحس بالراحه والامان ..وتمنت انه الله مايغير عليهم .. جسار مسك يدها وضغط عليها بخفه ورفعها ليشفاته وباسهاا وبهمس: ربي لايحرمني منج



نسرين في قلبها ولامنك





نسرين الي لاحظت انه الطريج الي يسوق فيه جسار مو امأدي الى البيت..وبكل استغراب : جسار وين بنروح



جساار ابتسم لها ابتسامه ذوبتها: انتظري وراح تعرفين !!









............................



(لاتخليني ..لاتخليني آآآه لو تدري بعذابي ماتخليني)

عند جواهر ..الي صارت ادور على االفندق ..وتعبت ..وهي اجوف كل المباني نفس الشي وهي مو حافظه اسم الفندق ولا مكانه ضبط..وعلى طول انزلت ادموعها تقريبا صار لها خمس

سااعاات وهي مو في الفندق ..والجو صاار بارد والمطر ينزل اجلستعلى كرسي مضلل عن المطر ودموعهاا على اخدودها من الخوف

وزاد رعبها يوم جافت شباب سكاره ..ويتمايلون في مشيتهم



اركضت ابكل خوف منهم .. لين تعثرت بالارض وماقدرت اتقوم من الالم ..وقرب منها واحد منهم وحملها وهي تضربه على صدره وهو ماسكها بقوه



جواهر بخوف وهي امسكره اعيونهااا: ااتركني الله يخليك.. اتركني



..............: جواهر حبيبتي فتحي اعيونج



جواهر الي تحس الصوت مو غريب عليها فتحت اعيونها وبصرخه :راشـــــــــــــد



راشد بحب: اعيون راشد



جواهر وعيونها مدمعه: ليش خليتني ليش ماقلت لي انه راح نتزوج وانك اتحبني ليش ليش ..خليتني



راشد وهو ينزلها على الارض ويحاول ايسااعدها بمشيها : امشي معاي وراح نتكلم



.................................................

[دانة الكون]

المشكله ماهو بقصدي جفاها
المشكله قلبي تعود عليها
حاولت انسى خافقا مانساها
واثري نسيت انه وانا في يديها
راحت وقلبي راح يمشي وراها
من دون مشعر كل مبعد اجيها
حبيبتي لو كان تعرف غلاها
ان كان تشريني مثل ما اشتريها
ازعل جميع الناس واشري رضاها
احبها واموت ياناس فيها
رغم الفراق وصدمتي في وفاها
لازلت امني خافقي وارتجيها
واقول لعيون تمنـا لقاها
باكر تقدر قيمة اللي يبيها
المشكله بالضبط ماهو خطاها
خطا الخفوق اللي تعود عليها

ابو شيخه بحده: يالله يابنت .. وقعي



شيخه الي مو امصدقه .. الي قاعد يصير.. معقوله احين انها مجرد ماتوقع راح تكون في عصمه زوجها انزلت ادموعها الي صاارت رفيقتها في كل يوم من توفت مرام



شيخه سلمت اامرها لأالله ووقعت ودموعها تنزل بكل صمت



ابو شيخه بفرحه وهو حاس انه ملك الدنيا: الف مبروك يابنتي منج الــــــ



تركته شيخه وهو للحين ماكمل كلمته لها



ماهتم لها وايد وراح عند خالد : الف مبروك ياولدي

خالد بكل هدوء: الله يبارك فيك



ابو شيخه: تبي اتجوفهاا ياولدي



خالد : جهزوا الشنط .. والحين راح نمشي



ابو شيخه : مثل ماتبي



عند شيخه وامها ضامتها وتبكي: تحملي ابنفسج ياحياتي ..والله يوفقج مع زوجك .. وانا ماراح اخليج يابنتي



شيخه بكل هدوء بعدت عن امها .. وهي تحس انها جسد بلاروح .. وخايفه من حياتها مع زوجها الي ماعرفت من اهو..لكن ابضنها انه خالد ..لانها تذكر تهديده لها وانها مابتكون لغيره





ابو شيخه وهو داخل : يالله يابنتي زوجك ينتضرك



شيخه حست ابرعشه بجسمها خلاص راح تطلع من بيتهم وتعيش عنده .. تحس انها بحلم وتبي تصحى منه



حس فيها انها خايفه قرب منها وضمها وهو يدري انه هل شي صعب عليها : سامحيني يابنتي.. لكن وربي لو اني ماعرف انه ريال وينشد فيه الضهر وسمعته طيبه على كل السان مازوجتج اياه



شيخه اكتفت بالدموع بدون أي كلام





بعدعنها ابوها ومسح ادموعها وباس جبينهاومسك يدها وطلعوا من البيت وتوجهو لسياره خالد



فتح لها ابوها االباب وركبت وهي من داخلها تترتجف موعارفه اشلون بتعيش حياتها



ابو شيخه: بنتي امانه عندك ياخالد ماوصيك فيها





خالد اكتفى ببتسامه ميته من شفاته <<وتوجه بسياره الى بيته

وفضل االسكوت



عند شيخه الي ميته خوف منه والي ذابحها اكثر سكوته..خالد ماكلف على نفسه حتى انه يلتفت عليها وبكل هدوء وقف السياره ونزل وحمل شنطتها وقرب من بابها وفتحه وبدون لايرفع راسه مسك يدها وتوجه ليداخل البيت

شيخه تمنت لو تدخل تكون مرام موجوده ابهل بيت ..بعدت عنهاا هل افكار ومن خوفها

شيخه خافت منه وتركت يده ..رفع راسه يبي يجوف ليش اتركت يده ..وانصدم يوم جاف ويها صارت نحفانه بدرجه مو طبيعيه

ويها باين عليها التعب..والهالات السوده تحت اععيونها

بدون احساس منه قرب منه ومسك ويها بدينه وصار يتفحص ويها وهي من خوفها بعدت ادينه عنها



خالد حس على نفسه وبعد عنها وبصوت حاد : اختاري لج أي غرفه في البيت ونامي فيها .. ومابي اسمع لج أي حس ..

وبصرخه هزت اركان البيت ..الهادئ: فــــاهمه ؟؟؟



شيخه من خوفها انزلت ادموعها وهزت راسها



عند خالد طالعها بنظره استهزاء وطلع من البيت



وتركها في حزنها وخوفها .. احملت شنطتها وصعدت الدرج و لفتت نظرها غرفه مرام ..بدون شعور منها قربت من الغرفه ودخلتها وســـــــــالت ادموعها ,, انسان عشت معاه الطفوله ..والفرح .. والحزن.. اشلون تقدر تمنع ادموعها الي افقدتها اخت واغلى من الاخت كانت لها بمثابه الام والابو

اجلست على سريرها واول مره من فتره الصمت هذي تكلمت وهي منهاره



: مرام وينج انا محتتاجتج .. مرام لاتخليني ابروحي تكفين .. محد يحبني ..

.............................................