ملف خاص بالخفجي

[فرحان العنزي]

فكرهه حلوهه بالتوفيق

[بشاش]

تسلم و الله يعطيك العافية..

[KFJ3000]

انا توني اشوف الموضوع وبصراحه بالمرا عجبتني الفكره وراح ادلو بدلوي .. طبعا انا يمكن ما اذكر محلات كثير بس انا بكتب الاشياء اللي انا اعرفها واللي جربتها شخصيا عشان اكون دقيقه وصريحه ومسؤوله قدام ربي عن كل كلمه اكتبها ..

بالنسبه للخياطه خياط اسيا بشارع 25 روووووووعه وفنان بس لازم تعطينه مقاس مضبوط وموديل مضبوط ويطلعلك الفستان كأنه قالب عليك ماشالله عليه والبدره بعد خياطهم فن بس غالي

خياط عبايات الاصاله بشارع 25 هو صدق غالي بس فنان انا ماحبه لانو نفسه خايسه وبس ينافخ علي بس خياطه حلو ماننكر هالحقيقه وقماشه بعد حلو .. خياط الفيصل اللي قدامه بعد حلو بس لازم ترجعين العبايه عنده اكثر من مره عشان يصلحها ورخيص وشحليله وتعامله كويس هذاك مغرور يقهرني ..

العدسات عند المنزل اللي بالغربيه و ركن الاناقه بشارع 25 عندهم كل الانواع وبصراحه احسن شي يبين طبيعي هو فريش لوك وسعرها 70 ريال

العطور عند المنزل اللي بسوق الغربيه يجيبها من الدمام الاصليه والجديده و عند ليدي بعد اللي بشارع 25 وتراه يبيعها ارخص من المنزل

الشناط فيه محل بالمول يبيع شناط تقليد درجه اولى روعه ماتفرقينها من الاصليه
ليدي بشارع 25 يجيب شناط تقليد درجه اولى ما تتفرق واسعارها مره روعه حتى اكسسواراته مميزه بصراحه ماعمري شفت مثلها بالخفجي

المكياج عند معرض الشمال بالغربيه كل الماركات واسعاره حلوه وماهو طماع والمنزل بعد بس المنزل بصراحه اغلى من معرض الشمال مع انو المحلين مقابلين بعض

الجواتي وانتم بكرامه عند الجناح الاخضر روعه لايغركم شكل المحل بس تلاقون عنده موديلات رهيبه بوسط الموديلات الخايسه يعني لا تتحطمون اول ماتدخلون ادخلوا وركزوا بتطلعون بشي حلو انا مجربه

الصالونات عاد بالنسبه للشعر البدره سشوارهم حلو بس الصبغ دماااااااار حرقو شعر اختي وطاح كله بالمغسله وخذو الفلوس بعد ..
الكوثر قدام المحكمه بالشماليه شغلهم بالمكياج روعه مثل الكويت بس انا ماحب المكياج الثقيل بالحيل كني بمسلسل خليجي بس الحق يقال صديقاتي كلهم يسوون عندهم وبعدين معروف بالخفجي يعني ماهو محتاج شهادتي بس انا عن نفسي ماعمري حطيت عندهم لاني ماحب المكياج المبالغ فيه
الكادي بالغربيه انا ماجربته بس يمدحون الحمام المغربي عندهم وعندهم نادي نسائي
عهد بالشماليه الحف بالخيط عندهم روعه بس كأنه هنديتهم سافرت والله مدري
وفيه صالون توني مجربته جديد سناء ستايل فاتح بشارع 25 فوق استوديو عليا للتصوير النسائي انا لما دخلته بصراحه حسيت اني مو بالخفجي حيل راقي فاضي مافيه احد لانه جديد بس دلعوني والله قهوه وعصير واستقبال كشخه !! ههههههههههههههه المهم مكياجهم يجنن وتسريحاتهم روعه والله ماندمت اني خليتهم يشتغلون علي وعندهم هنديه تحف خيط ايدها خفيفه وشغلها روعه صراحه هي خوافه شوي بس عجبني شغلها انا حطيت مكياج لبناني يجنن ونظيف مو حوسه مثل باقي المشاغل محد صدق اني مسويه بالخفجي والله كأني طالعه من مجله هم قالولي بتصيرين كأنك طالعه من مجله بس انا ماصدقت الى يوم شفت بعيوني وشعري يجنن سوولي مثل الصوره بالضبط وعندهم حركاااات رسم على الاظافر والصرعه اللي تفاجئت يوم لقيتها عندهم مع انها توها نازله بالكويت التاتو اللي مايروح بالغسيل يقعد اسبوعين والرسمه اللي تبينها بكل الاحجام و الالوان واسعارهم ماتقارن بباقي المشاغل تخيلوا انا سويت مكياجي وشعري ب600 وين نلاقيها بالخفجي ؟؟ وبصراحه البنات اللي بالصالون نفسهم حيل حلوه وتعاملهم يجنن واختي سوت مكياج خليجي بصراحه طلع يجنن انا انهبلت عليها اول مره يعجبني مكياج خليجي اللي يميزهم نظافة الشغل سواء مكياج ولا شعر !! ونظامهم نظام صالونات محترمه مو مثل البدوان اللي اروحلهم كل مره .. والحلو اني سويت شعري ومكياجي ولبست فوق ونزلت تصورت تحت فلللللللللللللله لاني خفت شكلي يخرب قبل اروح الصاله مع انه والله ماخرب ولا شي لاني كنت محاسبه عليه دافعه فيه فلوس
كأني طولت ؟ بس هذا يمكن من تاثير اعجابي بشكلي شلون طلع ولاني توني مسويه عندهم ماصار لي اسبوع هههههههههههههههههههههه بس اصلا انا حلوه لوووووووول

صبغ شعر وقص .. ليندا ويدها على الشعر رهيبه وهذا احسن شي فيها يعني حتى لو قصتلك قصه ماعجبتك بسرررررررررررعه يطول ماشالله عليهابصراحه شغلها بالقص والصبغ بدون منافس بس صراحه تزهق بمواعيدها وطول السنه مسافره!!

تاتو حواجب .. ساندرا بس بصراحه انا احسها غاليه والحبر حقها بسرعه يطير المفروض يقعد سنتين معاي مايقعد ست شهور !! بس يلا احسن من مافيه ..

تصوير استوديو عليا النسائي بالشماليه شارع25 بس من ورا صاير خلف مركز الرعايه الخاصه للاسنان هذا تحت الصالون اللي سويت عندهم هههههههههههه لازم يعطوني حق الدعايه تصويرهم خرافه والله والله والله ماعرفت نفسي بالصور حتى لون العيون يغيرونها !! وعلى حسب الطلب يصفون البشره ويضعفون وناااااسه هههههههههههههههه تحسين كأنك فنانه طبعا التصوير ديجيتال واسعارهم حلوه اقل من اسعار الكويت لاني بصراحه انا ماقد جربت تصورت غير بالكويت .. بالكويت الصوره الوحده ب 10 دنانير ومايسوون عليها شغل ولايعدلون مكياج ولا شي بس تصفيه هذول شغلهم يجنن حتى بصور الجواز رهيب صراحه ووروني اشكال ورق عندهم خطيييير على ذهبي وعلى فضي وعلى مخمل وخرابيط ياكثرها بس اتزوج ان شالله بصور عندهم ..

صيدليه .. صيدليه الدواء طبعا موجوده بكل شوارع الخفجي كل شي تبينه تحصلينه عندهم وعندهم بطاقة اشتراك بعد ..

تجهيز افراح .. فن المناسبات يجنن الكوش عنده شي موطبيعي
وبعد تجهيز افراح .. بنت الديره رهييييييييب كل شغله من الدمام روووووووعه
وبعد تجهيز افراج .. بيلا روزه ياويلي جايبين كوشه تاخذ العقل شفتها وانا ماره من قدام المحل شكلها جديد لانها ماكانت موجوده اول والله كانها مسلسل تركي تذكرت مهند وسمر يوم شفتها ههههههههههههه اللي مو مصدقني يمر من قدام المحل ويشوفها وعندهم ورد طبيعي بعد جديد يعني مو تجيبين البوكيه وانت مستحيه نص الورد ميت مثل حركات ايام زمان.. اخيرا صار عندنا بالخفجي محل ورد طبيعي اول نقعد بالاسابيع نركض ندور ورده وننطر السياره لين تجي من الدمام والله صرت حافظه مواعيد سيارات الورد ههههههههههههههههه

ذهب طبعا عند سوق الذهب فيه الحمراني وادريس بس فيه محل صغير اسمه مجوهرات سعاد يجيب شغلات داماس ويسويلك تفصيل الموديل اللي تبينه يجنن شغلهم صدق على مستوا وراااقي حتى دبل الزواج عندهم رهيبه

طبعا مملكة الطب والمنار يسوون كل شغلات التجميل طويلة المدى علاج بشره وتقشير وليزر وهالسوالف حتى عندهم اسنان بس انا بصراحه ماجربتهم انا جربت الليزر رهييييييييييييييييييب بس الحين ماعاد اروح مملكة الطب صرت اروح المنار ولانو انا عندي ملف بمملكه الطب فتحت ملف مجاني بالمنار وصرت اكمل مواعيدي هناك واسعارهم بالمرا مقدور عليها يعني مو شرط تكونين موظفه ولا غنيه عشان تسووين ليزر والمملكه عندهم تقنية ال بي جي حقت التنحيف بعد

بعد وشو ؟؟؟؟؟؟ ياربي مخي وقف !!

ايه عطار .. فيه عطار الغربيه الكبير اللي باخر السوق هذاك ياويلي عليه الشايب اللي هناك يعرف كل شي وكل شي موجود عندهم ..

سوق الوفاء عنده بجامات نسائيه وبجامات اطفال روعه وطبعا اسعاره معقوله

ولا يخفى عليكم سيتي ماكس طبعا اللي فتح على شارع البحر عندهم كل مالذ وطاب وجينزاتهم النسائيه تجنن وروعه باللبس ومريحه بس لايغركم المقاسات تراها خرطي يعني لاتنخدعين بالرقم المكتوب سواء بناطيل ولا بلايز ولا حتى فساتين هذا عيبهم ماكس المقاس مو بالرقم لازم تلبسين وتقيسين بالبيت طبعا وبيجاماتهم تجنن بصراحه انا حيل حبيتها واكسسواراتهم خيااااااااااااااااااااااااال روعه تجنن يخرب بيتهم خربوا ميزانيتي ههههههههههه

ولا يخفاكم طبعا اسواق المزرعه بحي الخليج لكل جوعان يتوجه هناك .. على طاري الجوع ترا عندي بعد مطاعم مفضله اذا تبون توصياتي تراني جاهزه خخخخخخخخ

على فكره كل اللي قلت عنهم فوق سواء محلات ولا مشاغل ولا خياطين ولا كوفيرات ارقامهم متوفره عندي و مستعده اعطيكم اياها للبنات بس طبعا اللي يبغى اي رقم يراسلني على الخاص

انا هدفي من اللي كتبته كله اني ما اظلم احد واني اشهد شهادة حق وانو الاخوات الجديدات بالخفجي يتعرفون على الخفجي بشكل اوضح وياخذون على المكان ويتعودون عليها بسرعه ويحبونها مثل ما انا احبها واموت عليها ..


اما عاد عالنصابين بالخفجي فملياااان وكلهم لي معاهم تجارب اذا تبون نسوي موضوع ثاني عن الاماكن اللي ما انصحكم تزورونها قولولي تراني حاضره ههههههههههههههههههههه مع اني ما احب اقطع رزق احد بس هذا الصدق !! الواحد ليش يغش الناس من الاول ؟

وتحياتي للجميع واي طلبات او استفسارات انا حاضره .. واذا تبوني اروح اجربلكم مكان انتم شاكين فيه قولولي هههههههههههههههه

[خال]

يااخوات وش رايكم في مشغل الكادي للرياضه االبدنيه عندهم هل يستحق ان التحق فيه ارجو الي جربته ترد عليyx.021 ولكم الشكر

[دودي الخفجي]

فكره رووعه
شـكــ وبارك الله فيك ـــرا لك ... لك مني أجمل تحية .

[دودي الخفجي]

بغيت اسال وش رايكم في الكوافيره امل في مشغل بالمحدود بس مادري وش اسمه!!!
من جربتها ودي نحجزها لزواج اختي ,,,لا اختي العروس احجزت (اعتماد في مشغل الكوثر ) ب3000الاف للعروس بس ويقلون بطيئه قلنا يمكن نخليها لاختي بس,,,

واحنا خوات العروس 5 نخلي* امل* تجينا في البيت, بس وش رايكم في شغلها في المكياج والتسريحاااات؟؟؟

[srab]

شكرا يالغلا على هالموضوع

المشاغل
عندك الكوثر بالشماليه شارع المحكمه
مكياج وشعر وتنظيف بشره وبدكير ومناكير
وخياطتهم ممتازه
المكياج اعتماد كويتيه
والشعر كلهم ممتازات
اسعارهم على 300 تقريبا

والكادي بالغربيه سوق الذهب
صبغه وكرياتين وقص ومدربه الرياضه عندهم تمام التمام
المكياج ام فيصل يقولون كويتيه مدري
والشعر عند هيلين فلبينيه

يمدحون دار الحرير بالشماليه بس والله مادخلته للحين

......

عطور ومكياج
اشتري دااااايم من الورديه والمنزل
يوفرون كل الماركات
واذا مو موجوده تطلبينها طلبيه ويجيبونها لك

.....

الاكسسوارات
من لحظه بالغربيه سوق الذهب
اكسسواراتهم حلوه ودلع لكن غاليه شوي مقارنه بالسوق

....

ملابس النوم والداخليه
من ستي ماكس
مره روعه واسعارها كويسه

....

يارب اكون افدتك

[srab]

يالغلا الامل مااعرفه كثير

بس مو مشهور

...

الكوثر مو بطيئه

روحي لها بدري تطلعين بدري

بزواج اختي

احنا 3 خلصتنا بـ 3 ساعات

المشاغل لازم تساعدينهم بنفسك

روحي وشعرك مغسول بشامبو عشان يطلع الاستشوار مضبوط

ويكون مبلول توفرين الوقت

ومضبطه حواجبك من قبل

عشان يشتغلون على الميك اب بسرعه


والله يكتب لكم التوفيق

[دودي الخفجي]

يعطيك العافيه ماقصرتي

[تاجي اسلامي]

الله يسعدكم ضروري ابغى اعرف احسن مشاغل نسائيه في الخفجي خياطتهم زينه تكفون ابغى اخيط فستان سهرة اللي تعرف تعطيني العناوين