* المانيكوتي

سـَمآ ♪ · 14-05-2010, 12:33 PM

* المانيكوتي *

المقادير :

علبة مكرونه مانيكوتي - لحم مفروم ( العجل المفروم ) - بصله كبيره مفرومه - كزبره مفرومه -
ملعقتين صوص الباستا ( بالزيتون والماشروم ) << عادي أي نوع حتى لو صلصة طماط تفي بالغرض برضو
ملح - فلفل أسود - بهارات ايطاليه
جبن كرافت مبشور مع فلفل رومي مقطع قطع صغار ..

الصوص :
الأحمر > صوص الباستا بالزيتون والماشروم
أوريغانو
الأبيض > جبن سايل وقشطه ( ملعقتين قشطه وملعقة جبن ) ,..

الطريقه :

- تسلق المكرونه في ماء مغلي ورشة ملح وملعقة زيت ..
( بعد ماتستوي نطلعها حبه حبه ونحطها بطبق لين تبرد شوي > اهم شي لاترصونها على بعض ) ..

* حشوة المكرونه :
بصل وزيت على النار إلين يذبل البصل بعدها نضيف اللحمه
ونطقطقها نخليها تطبخ شوي ونضيف ملح وفلفل أسود ..
بعد ماتستوي اللحمه نضيف ملعقتين من الصوص وشوية بهارات ايطاليه ..

- نبدأ نحشي المكرونه باللحمه وجبن الكرافت مع الفلفل الرومي ..
- نصفهم في طبق بايروكس ..
- نصب الصوص الأحمر عليها مقدار 3 ملاعق
وفوقه الصوص الابيض ونرش عليه جبن موتزريلا
- ندخله الفرن مده 10 دقايق ..

الجبنه سااايحه

goree · 14-05-2010, 12:44 PM

دايم اسمع
الاوريغانو
ودي اعرف وشو
هو نوع من البهارات ولا شو ؟
ولذيذة شذووو ..

سـَمآ ♪ · 14-05-2010, 12:54 PM

اقتباس

المشاركة الأصلية كتبت بواسطة goree


	دايم اسمع الاوريغانو ودي اعرف وشو هو نوع من البهارات ولا شو ؟ ولذيذة شذووو ..

هلا وغلا...

والاوريغانو هو الوراق الزعتر المجفف .... الاوريغانو هو زعتر اخضر

تسلمين ع المرور...

goree · 14-05-2010, 12:57 PM

أووووووووووما
الأوريغانو
هو الزعتر

حلووووووو والله اني عرفته
متعبين عمرهم
يقولون زعتر وخلاص

ابو فهد 77 · 14-05-2010, 01:11 PM

شكرا على هالوصفه شذى

بس انتم كذا قاعد تكسبون ذنوب فينا نحن معشر العزوبيه

يعني انا الحين مداوم ومنطق على عيني من الجوع وقاعد اشوف

هالصور الشهيه وعزوبي ومطاعم الخفجي اتعرفين مستواهم .

انا اقترح للخروج من دائره ارتكاب الذنب بحق الاعضاء عمل وجبه مجانيه

على حساب ابو رائد ومنحي اياها وانا بدوري اعزم الاعضاء بالصفري

عليها .

دمت ودامت وجباتك اللذيذه.