لاضاق صدرك واتعبتك الكوابيـس

[فرحان الفدعاني]

اليكم الجديد حصلت هذه المناقشه بيني وبين القلب ولاطلعنا بنتيجه وطرحت الموضوع
على اخوي الشاعر جمال الرويلي لعله يحل هذه المشكله

[poem=font="Simplified Arabic,6,black,bold,normal" bkcolor="transparent" bkimage="backgrounds/23.gif" border="double,5,red" type=2 line=0 align=center use=ex num="0,black"]
لاضاق صدرك واتعبتك الكوابيـس=أزبن على راعي الوفـا والشهامـه
راعي العليا متعب الخيل والعيـس=ياسعد عين اللـي يحطـه احزامـه
اليـوم قلبـي متعبتـه الهواجيـس=ولافـاد معـه النصـح ولاالملامـه
أول يبـي لارا واليـوم لامـيـس=تعبت عطني الحـل يابـواسامـه
المشكله باالحـب مايعـرف يقيـس=كل زول شافه قال ظبـي العدامـه
اركض وراه ودوم نرجع مفاليـس=قلب العنا مطفوف مـدري علامـه
انا كبـرت وهـو مايلعـن ابليـس=تطري عليه احيان يبغـى المنامـه
باقي خضر ويدورخلـف الكواليـس=يقول خل عنك الكسـل والرخامـه
انهض تلحلـح يابعيـد المراميـس=أنته صغيـر وفيـك ملـح وسامـه
اقول له ياقلـب هـذي وساويـس=درب الهوى ياشيـن هـم وندامـه
من قبلنا ياقلب وش صارمع قيـس=وعنتر وغيره من رجـال الزعامـه
أتعبتنـي ياقلـب ماتفتهـم(هيـس)=والظاهر انـك ماتبيلـي السلامـه
جمال شف لي حل مع (لقطة غليس)=وش حيلتـي بالله يابـواسـامـه [/poem]

فرحان الفدعاني
بتاريخ /25/7/1429/


ورد على القصيده الشاعر جمال الرويلي وهذا رده

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,5,blue" type=2 line=0 align=center use=ex num="0,black"]
حي الله الشاعـربعيدالمراميـس=يامرحبا بـك يازعيـم الزعـامـه
حييـت يـاراع الوفاءوالنواميـس=من حدعرعـرليـن حد المنامـه
قدرك حقيقي ماتشيلـه قراطيـس=ولاجهاز ومنتـدى مـن مقامـه
معزتك فوق الحكـي والمقاييـس=لك يابن وايل بالمواقـف شهامـه
ماإنتى من اللي غايته منبع الكيس=يوم إن غيرك لي عليـه الملامـه
لك موقفن يشمخ على كل تدليـس=منساه والله ليـن يـوم القيامـه
واليوم أنا برجع على ضمرالعيس=وأشوف قصدك ثم احـدد مرامـه
لك يابوفايز من بـراد النسانيـس=فزعـت صديقـآ مايغيـر كلامـه
دواس قاعن يابعدي مابعـد ديـس=وأذا تكلـم فـي كلامـه علامـه
درب الهوى يقرع علينا المراويس=وحنا دفعنا فـي طريقـه غرامـه
مانشوف راداراتهـم والمداسيـس=نهيـم بالسرعـه ولوهـي ندامـه
تعال لي وأنـا بجنـب المحاميـس=واركب معي وأبشر بجوالفخامـه
والله يلو لميـس تسكـن اباريـس=لاغيـر نوصلهـا بعـز وكرامـه
كان انها بالنـار حنـا المقابيـس=وكان انها بالمال نمسـك أخطامـه
نستغفر الرحمن لو نركب ابليـس=والقلب وين القلب عنـد الوسامـه
فرحان يالفدعاني.بس فصل وقيس=وأنا علي اللبس وإلـف العمامـه [/poem]

الشاعر جمال الرويلي