اخر المواضيع

اضف اهداء

 

العودة   منتديات الرائدية > المنتديات الأدبية > دواوين الشعراء > ديوان نواف الفهاد
 

إضافة رد
مشاهدة الموضوع
 
أدوات الموضوع انواع عرض الموضوع
قديم 03-06-2012, 12:09 PM   رقم المشاركة : 1
نواف الفهاد
-( المشرف العام )-
 
الصورة الرمزية نواف الفهاد
الملف الشخصي







 
الحالة
نواف الفهاد غير متواجد حالياً

 


 

Exclamation [ مطعم الهندي غلوم ] !!

:

:

تمر السنين وتبقى الذكريات ..

في حياة كل إنسان ذكريات لاتنسى ...

بالنسبة لي .. لازلت أتذكر .. سنين الطفولة جيداً ..

أيام غالية .. تعدت ...

الخفجي تطورت كثيراً ....

حارتي .. وملعبي ... ومطعم الحارة .. والبنشر ..

وسوالف كثيرة ....

رحلت عن الخفجي ... لظروفي العملية ... وأتجهت .. لـ عروس البحر الأحمر .. جدة !!

أصبحت أتردد على الخفجي من فترة.. لفترة ... حسب الظروف ..

لكن ... وجه الحارة .... تغيّر كثيراً ....

فجائت هذه المشاعر ... لتترجمها الحروف ...

تفضلوووووووووووووا ...

/
\
/
\


أنقضت عشرين عام .. كنها .. لحظة ويوم ,,
وجيت من عقب الغياب ... آآآه ... ياليت ... أرتخيت !!

جيت أناظر للبقايا .. كيف من عقبي تدوم ,,
وأختلف وجه الزمان ... وغلبن .. دمعي .. وبكــيت !!

ذكريات الحارة اللي .. ذكرها دايم .. يدوم ,,
ذكريات أغلى الحواري .. حارة ... بعشرين .. بيت !!

ملعب وجلسة عريش .. ومطعم الهندي غلوم ,,
وبنشر أحلام المسافر .. اللي مثله .. مـــــــالقيت !!

وزحمة الشارع وطيشه .. ومغسلة بليا هدوم ,,
وطيبة الجيران .. حشا .. والله .. ما أنسى .. ماحييت !!

وصوت أبوي .. ياعيالي .. صلوا .. ثم .. يقوم ,,
أتبعه .. عجل الخطاوي ... يلتفت ... وأقول ... جيت !!

والفريق اللي يبارينا .. وتحدي كل يوم ,,
والخطط لآمن ... دخلت المنطقة ثم .. أرتميت !!

والوصايا اللي نعرفه .. كود .. نهزمهم لزوم ,,
لبسنا .. لبس السعودي .. ولبسهم .. لبس الكويت !!

والدراسة .. والشطارة .. وأغلب أنواع الهموم ,,
والدفاتر .. والمراسم .. رحت عنها ... وألتهـــيت !!

والمساء .. مافيه دجّة .. المساء نقضيه نوم ,,
وما قضى نبض القوافي .. بس أحس إني .. قضيت !!

أختلف وجه الزمان .. وغابت أنوار النجوم ,,
وشفت حارتنا القديمة .. صايرة مليون ... بيــــــت !!

ملعبي .. أصبح عمارة .. ومطعم الهندي غلوم ,,
أكتشفت انه بقالة كنت فيها .. وأشتــــــــــريت !!

يا حكايات الزمان .. المنقضي في شبه يوم ,,
لا تلومن .. لو تشوفن .. في حناياك .... أرتميت !!

جيت أناظر .. للبقايا .. كيف من عقبي تدوم ,,
وأختلف وجه الزمان .... وغلبن دمعي .. وبكــيت !!

:

:







التوقيع :
*
*




مرر الماوس .. اضغط على الصورة لرؤيتها بالحجم الطبيعي


هنا .. ( صفحات من سنيني ) .. كتبتها .. زوروها ..

http://www.alraidiah.com/vb/showthread.php?t=21975&page=153

رد مع اقتباس
 
إضافة رد

« الموضوع السابق | الموضوع التالي »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ويلآه من عمن ظلوم؟ شهوده منتدى الصوتيات والمرئيات الإسلامية 8 07-07-2011 11:10 PM
علوم ف1 + ف2 جديد 1428هـ انجليش تيتشر قسم التحضير وتوزيع المنهج والخطط 2 07-09-2007 05:20 AM
مطعم الهندي ... غلوم !!!!!!!! نواف الفهاد بــوح القوافي 22 09-07-2005 02:23 PM



الساعة الآن 02:59 AM.

كل ما يكتب فى  منتديات الرائدية  يعبر عن رأى صاحبه ،،ولا يعبر بالضرورة عن رأى المنتدى .
سفن ستارز لخدمات تصميم وتطوير واستضافة مواقع الأنترنت