هذي حياتك

[مبروك الجابر]

هذي حياتك

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
روحي متى ما كان ودك تروحين = لوكان روحي ياحياتي شغوفه
هذي حياتك ما بها مسكت ايدين = محد (ن) يمشيها على ما يشوفه
اقولها هالحين ما قول بعدين = شمسك على دنياي قرب كسوفه
غابت بعين وظلمت من نهارين = ولحد بشايف يالغلا وش يحوفه
لاعتني الأيام وانتي تقولين = يقطعك دنيا ما عرفنا وصوفه
ياما وقفت ما بين غالي وغالين = وياما ابعدت من ود عيني بشوفه
صحيح احبك والغلا بين ضلعين = وصحيح لك بالقلب طوفه وطوفه
صحيح عشرة عمر ماهي بيومين = وصحيح لك بالعين شوفه وشوفه
ماني مجامل واقعي وش تريدين = مادام روحي فيك دوم معطوفه
لاشك اقدر ما حصل ياريش العين = ودري بعد كل يراعي ضروفه
اقولها يابنت وانتي تعرفين = اني على بعدك كثير الحسوفه[/poem]