ياطير ياللي في فضاء الخفحي تحوم
وتشوف مالا شافته عين ادمي
حلّق جنوب ولاتكابرها الرجوم
لاتقرب السوده ولاضلع جلمي
وصل سلامي وصله شيخ القروم
عماش ابوجهيران زامي لك زمي
لوكان ماعنده على الشيخه ختوم
صيته على الشيخان طاميهم طمي
ذكره على فعله صعد فوق النجوم
والشعر جزله فيه حطيت وُسمي
مْعرّب الجدين ياجعله يدوم
هو خالدي معروف والخال بقمي
عماش لاراحن وعادن العلوم
العيلم اللي بلل كبود الضمي
يفداه حزبين المسفّه والرخوم
ناسٍ مامنهم عنده وعندي سمي
من طاح ياعماش جعله مايقوم
ترمي به اقداره على فعله رمي
واللي يخالف للعوايد والسلوم
تلعبّه الدنيا وتوميبه ومي
جحاد للمعروف ماليبه لزوم
ماهو مْشاركني على لقمة فمي
راسي مداهيله مسارات الغيوم
والارض عابرها على بطن قدمي
المواضيع المتشابهه
العرض العادي
