مات رجالٍ مقدر مع الناس محسوب
نادرٍ وافي من اطيب مقاديم الرجال
مات مع موته بعيني بلادين وشعوب
مات مع موته بطولات وانهدت جبال
سيرته سيرة هل الجود من غرب وجنوب
سيرته سيرة هل المجد من شرق وشمال
راس من روس عنزه راس تغليه القلوب
والحزن في يوم فقده مضيّق كل بال
ياطلال الله يرحمك ويغفر الذنوب
ياعساك بجنة الخلد تنعم ياطلال
خوتك في صوب عندي وبعض الناس صوب
ليتها بالعمر دامت لك سنينٍ طِوال
يالكريم الشهم ياللي خلي من العيوب
يالشجاع اللي مع الناس يضربك مثال
صوب حييك ياخذنّي ملفات الدروب
كل مامريت بيتك نثر دمعي وسال
مثل ذوب الملح بالماء على فرقاك اذوب
واحترق واموت واحياء واقول مْن الخيال
غبت وعيالك على الطيب قضوا كل نوب
منك فيهم بالمراجل ويانعم العيال
المواضيع المتشابهه
العرض العادي
