السلام عليكم ورحمة الله وبركاته
أهدي لكم .. هذه الأبيات ..
من روائع الشاعر المبدع / مطلق النومسي
[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سلطان أنا وجهك ووجهك مراتي=وأنا أدري إنك من غيابي تضايقت
وأنا حضوري فيك وأكبر غناتي=إنك ل طلة وجه مطلق تشفقت
وإنك تخاف إني أصالح عداتي=وإني ل تعسيل السواليف صدقت
لا يا ابن عمي لالا وإسمع للآتي=دامي شربت الكيف الأشقر وروقت
سلطان شفني فوقهم لاتحاتي=وشفني على متون الكواكب تسلقت
نسجت من خيط المعزة عباتي=وب دهن عود النجم الأوحد تعرقت
والناس لو تقدر تسوي سواتي=ما شفتني يا ولد عمي تفوقت
ذي تونس الخضرا وأنا أكبر زناتي=جمعتهم تحت وطلعت وتفرقت
حتي خذا لون الفضا لون ذاتي=وطلبني أغيب نجومه ووافقت
فإن شفت داخن عودهم ب جمراتي=أحرقتهم من قرب ولا تحرقت
وإن شفتهم يبوني أقطع صلاتي=حجيت بيت الله وصمت وتصدقت
وإن شفتهم يبوني أفقد ثباتي=غديت مثل طويق ولا تطوقت
فلا يزعلك سلطان كثر إلتفاتي=إزعل علي لو شفتني يوم دنقت
عن مدة البندق تكفي عصاتي=ولو إنهم كفو البنادق تبندقت
وإن شفتني ساكت وطول سكاتي=تأكد إن المسألة مسألة وقت
[/poem]
المواضيع المتشابهه
العرض العادي
