ܓऌღ♥ تشكيلـة رائعة من الفطائر لـ رمضانـ ♥ღ ऌܓ

[الجوووري]

هلا وغلا


تشكيلة منوعـة للفطائر ..





الشنكار
كوب بطاط مسلوق ومهروس
5 اكواب طحين
كوب وربع ماي دافي
ربع كوب زيت
ربع كوب سمن
ملعقة وسط ملح
ملعقة طعام كمون صحيح
تعجن وتريح ساعه

تفرد وتقطع دائره وتقص نصين وتحشى بطاط بالبصل والثوم والزنجبيل والفلفل والكزبره والماجي
لازم تكون شوي حاره تفرز على صواني وبس تجمد عبيها باكياس نايلون تطلع قبل القلي بساعه



حمست ملعقة طعام كل من كمون وكزبره وفلفل اسود كله صحيح على الناشف ودقيته للحشوه

فرمت بالمفرمه ثوم وفلفل حار وزنجبيل ونتفة ماي وزيت حتى يصير معجون
حمست البصل مع البهارات والماجي وابس ذبل اضفت البطاط وقلبته وغطيته 5 دقايق عشان يستوي البطاط شوي وبعدين اضفت الثوم المعجون وقلبته يشرب وبس سكرت عليه وعدلت الملح واضفت الكزبره خضراء


قطعت العجين بعد رقها وقسمتها نصفين

سويت عجين لاصق طحين وماي وحشيت بالحشوه بعد ما بردت
ولصقت الخط المستقيم على بعضه ونص الدايره حزيته بالنص عشان يعطي شكل مثلث




ملاحظه- تنحشي لحم مفروم او خضار مشكل- او خضار صيني وبالعافيه

فطاير الكيري
كيلو طحين فاخر- ملعقتين شاي بيكنج بودر ونص ملح
علبتين قشطة نستله او اي نوع
اصبع زبده سايح
بيضتين
ملعقتين طعام زيت
فانيلا ونكهة ليمون او بشر ليمونه
3/4 كوب ماي

اخلطي القشطه والبيض والفانيلا والليمون والزبده واضيفي الطحين والماي
اعجنيها باليد 5 دقايق ودخليها بعد ما تغطينها الثلاجه نص ساعه
افرديها وقطعيها و احشي بالكيري او اي جبن كريمي
سوي عجينه لصق نص كوب طحين و3/4 كوب ماي وادهني الطرف وثبتي بالشوكه وتفرد بالفريزر عهلى نايلون وبس تجمد قسميها وجبات

ملاحظه تطلع قبل القلي بساعتين عشان تفك تقلى بزيت حار جدا وبس تنزل تطلع ما تطول بالقلي لان الجبن ينبط لازم الزيت ساخن وهي يدوب تشقر وتطلع
تنزل قطر
او ترش بسكر وقرفه
او ترش توفو
او حليب نستله وفستق مفروم

ملاحظه-تنحشي مكسرات مفرومه جوز ودارسين - فستق وهيل









سمبوسة الماش
كوبين ماش تنقعينهم بماي حار ساعه وتسلقينهم لحد ما يستوي مو ينهري وينشخل
القشره مالت ممكن تستغنين عن جزء منها اثانء الغسل بس لازم يكون فيها قشر عشان طعمه

تحمسين عشر بصلات كبيره مفروه مو ناعم وسط لحد ما تذبل مع شوي زيت
تضيفين لها 4 مكعبات ماجي خضار وكمون صحيح وكزبره مطحونه ناشفه وفلفل اسود
ولما تشرب البهارات تضيفين لها كوبين كزبره خضره مفرومه وتحمسينها معاه لما تنشف على نار قويه اضيفي لها الماش وخليها وياه مع التقليب دقيقتين بالاخر اضيفي ملعة اكل ثوم مهروس مع حبة فلفل اخضر حار وقلبي شوي بس تطلع ريحته وعدلي الملح حسب ذوقك
وتبرد وتحشى بها السمبوسه


سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه


سمبوسة اللحم
نص كيلو لحم مفروم
5 بصلات كبيره مفرومه
4 فصوص ثوم مفرومه ناعم
رشةكمون ناعم
رشة كزبره ناعمه
رشة قرفه
فلفل اسود وملح
ملعقة اكل كزبره خضره مفرومه

حطي اللحم على النار في مقلاة واسعه وخليه على نار قويه لحد ما ينزل مايه ويتبخر قبل لا ينشف حطي البصل والثوم والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها

سمبوسة الجبن
علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى


سمبوسة البطاط والبزاليا
كوبين مكعبات صغيره من البطاط تسلق دقيقتين وترفع
كوبين بزاليا مسلوقه
بصل مفروم ناعم
كمون حب
كزبره خضراء مفرومه كميه كوب
ماجي مكعبين
حبة فلفل اخضر حار مفروم
نتفة زنجبيل اخضر مبشوره
نص ملعقة اكل كاري ا
البصل تقريبا 7 بصلات
حمريه بشوية زيت ومعاه ملعقة اكل كمون حب وحطي البطاط وقلبي وحطي الماجي والبزاليا والفلفل والزنجبيل وقلبيه لحد ما يتشرب من بعض
اخر شي حطي الكاري والكزبره وذوقي الملح والفلفل برديها واحشي
سمبوسة الخضار بالشبنت
كيس كيلو خضار مشكله (جزر-بزاليا-فاصوليا-ذره)
5 بصلات مفرومه معاها 5 فصوص ثوم مفرومه
شده شبنت
مكعبين ماجي
ملعقة مشكله من الهارات ( كمون-كزبره-كمون-فلفل اسود -كركم)
اسلقي الخضار شوي لحد ما تنضج الا شوي
احمسي البصل جيدا مع الماجي والبهارات والشبنت اضيفي الخضار وقلبيه يشرب من بعضه

وبردي واحشي

سمبوسة الدجاج
دجاجه مسلوقه مفتته
5 بصلات مفرومه
فصين ثوم كبار مفرومين
حبة فلفل اخضر حار مفرومه
علبة مشروم شرايح مفرومه خشن
مكعبين ماجي
ملح وفلفل
ملعقة اكل زبده

حمري البصل بشوية زيت حتى يذبل اضيفي الماجي وبس يذوب بالبصل اضييفي المشروم وقلبيه يتحمر مع البصل اضيفي الدجاج وغطيه شوي يتسبك

ضعي الزبده في مقلاة صغير مع الثوم والفلفل الحار وبس ريحته تطلع اضيفيه للحشوه وقلبيه معاه جيدا وسكري عليها وبرديها واحشي

سمبوسة الشاينيز
كوبين ملفوف مفروم شرايح
كوب جزر مفروم شرايح
حبة فلفل اخضر مفروم شرايح
ومثلها حبة فلفل احمر ومثلها حبة فلفل اصفر
3 اكواب بصل شرايح
ربع كوب صلصة صويا او اقل شوي
مكعبين ماجي

حمري البصل الى ان يذبل شوي اضيفي باقي الخضار وقلبيها على نار قويه شوي ولما تسخن خففي النار وغطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها
طبعا الماجي ينضاف مع البصل اولا

سمبوسة المشروم بالذره
3اكواب بصل مفروم
علبتين مشروم شرايح ومفروم خشن
كوب ذره مسلوقه
نص كوب كزبره خضره مفرومه
5 فصوص ثوم مفرومه
مكعبين ماجي
ملعقة صغيره كزبره ناشفه مطحونه
حمري البصل مع الماجي والكزبره الناشفه وبس تطلع ريحتها اضيفي المشروم وقلبيه جيدا اضيفي الثوم وقلبي وبس تنشف اضيفي الذره والكزبره وسكري عليها ...

وبأأأأأألف صحـهـ وعآفيهـ ..

[احلا كلام]

يسلمووووو هالايدين يالجوري

<>
<>
<>

يعطيك العافية

<>
<>
<>

كل عام وانتي بخير

<>
<>
<>
تقبلي
احترامي وتقديري

[عسوووووووووووله]

وعليكم السلام ورحمه الله وبركاته









احب الماشروم واحب الذره


سمبوسة المشروم بالذره








بس ما اتخيل انهم وسط السمبوسه


امممممممممممممممممم


راح اجرب


يسلمووووووووووووو اختي الجووووري

[بــ الخفجي ـنت]

سمبوسة البيتزا
جبن مزارولا مبشوره كوب
جبن كرفت ازرق علبة وسط مبشوره
كوب زيتون اخضر الشرايح بس نفرمه خشن
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه خشن شوي
رشة اوريغانو
تخلط مع بعض مثل السلطه
وتحشى بالعجينه


هذي شكلهاا تشهي

يعطيكـ الف عاافيهـ

لا عدمنا جديدكـ

[الصمتـ ملاذي]

[align=center]سلمت الايااادي على الوصفات المختاره
لاتحرمينا من جديد عطاائك
لاعدمناك
.:.
الصمتــ[/align]

[الجوووري]

هلا وغلا

[ احلا كلام..!]

وأنت بخير وصحة وسلامـة

وشكراً على المرور ..

[الجوووري]

هلا بـ عسوولتنـا


جربيها وعلمينا حلوهـ أو لا ..؟


تسلمين على المرور ياقلبي

[الجوووري]

هلا وغلا

[ بنت الخفجي..!]

حياك الله ياقلبي ..

وشكراً على المرور

[الجوووري]

هلا وغلا

[الصمتـ ملاذيـ..!]

الله يسلمك ويخليك ..

لك وحشه يالغلا (:

نورتي المتصفح

[حنين]

يم يم يم

تسلمين الجوري

ان شاء الله اسوي منها