يا ناشدٍ عنّي تـرى الحـال تعبـان
واسمع علومي كان تبغـى علومـي
تعبت من كثر المصايـب ولحـزان
كل ماضحكت شوي زادت همومـي
ياصوتي المخنوق قم جـر الألحـان
مادام مابـه مـن يسـد اللزومـي
واكتب من الأبيات ماقـدر الأمكـان
قصة حزين وذاق طعـم السمومـي
يعيش في ضيقه ولوعـه وحرمـان
وعقله غدى ياخوك شبه معدومـي
ولو القلوب اتـزان وتبـاع بثمـان
وهذا يبيـع وذاك عنـده يسومـي
من يشتري قلبه ترى حيل خسـران
لاصار حزنـه دايـمً لـه يدومـي
ومن يشتري عينه ترى حيل غلطان
اكبر دليل انظر وشـوف الكمومـي
ومن يشتري جسمه ترى حيل ندمان
ماعاد له مقيـاس بيـن الهدومـي
وأعلم ترى من حدته ضيق الأزمان
هذاك والله مـن عيـال القرومـي
لـن الحـزن ماياتـي ألا لشجعـان
وهو شجـاع ولايحـب الرخومـي
واللي ذبحني قولـت فـلان وفـلان
ناس (ن) ولو جات البحر ماتعومي
كلٍ يقول تهون هي كبـوة حصـان
ومن السما دايـم تطيـح النجومـي
وأمـرر الجملـة مــن أذان لاذان
وهذى علومي كان تبغـى علومـي
بالمختصر .. أن الزمن دوم خـوان
أليا متى بطيح وأرجع وقومـي...؟
المواضيع المتشابهه
العرض العادي
